自己有食開事前藥 已經食左第十一個月（唔sure中間有無停過）
呢個月有少少唔準時食
但係都唔會超過一個鐘以上遲食
喺食緊四粒白色藥丸嘅時候都有嚟m
想問下咁樣懷孕機率大唔大？
你好
@Wwww
你食緊嗰隻應該係有28粒藥，其中四粒係白色冇藥效嘅事前避孕藥。
其實如果你一直都有keep住食嘅話，藥物已經係身體裏面建立咗一定嘅功效，基本上懷孕嘅風險唔高。
不過我比較好奇嘅係你話自己唔太sure自己有冇停藥，因為事前避孕藥係一個恆常食嘅藥物，呢11個月裏邊係咪發生咗啲乜嘢事呀？
不過都唔需要太擔心嘅，因為如果你有連續七日都食事前避孕藥，其實身體已經建立左一定嘅功效，懷孕嘅風險都係非常低嘅。
而食避孕藥嘅時間其實都唔係硬性規定一定要喺嗰一個鐘食，只要係差唔多嘅時間食就已經可以，喺你嘅情況嚟講只係相差咗一個鐘，避孕嘅功效都唔會受到影響。
而至於係食白色藥丸出現嘅月經，都唔使太擔心， 因為避孕藥嘅人造荷爾蒙，係會取代咗你本身嘅月經周期，所以月經通常會係食白色冇藥性嘅藥丸嘅時候出現。
無呀 純粹係因為有一個月唔記得左食兩日
所以先話算係停左藥咁
不過我下身小腹位一直都唔係平坦
可能係因為心理作用先諗緊係咪有左🥲
不過唔該曬你！安心左好多
1個讚