會否懷孕嗎

Hello你地好
女朋友黎左m第11日 32日為一個週期有親密接觸既行為。全程佢有著底褲 而我冇 但我全過程都有盡量避免我下體接觸到佢下體
我有用手指幫佢,而途中都有 磨擦自己手指 擦乾尿道球線液 我想問下萬一我手指冇乾到 然後隔住女朋友底褲用手指幫佢 會唔會有機會將液體帶到佢陰道入面 導致懷孕? 同埋想知如果射左係肚到 有用紙巾抹一次隔2-3分鐘女友用熱水沖涼 精子是否遇熱就會死亡?

Hello 你好~

尿道球腺液雖然有機會含有少量精子,不過冇插入式性行為嘅話,仲要隔住底褲,精子好難到達到子宮,亦都好難造成懷孕嘅,所以可以放心:)

精子嘅存活率好低,只要暴露於空氣,或者遇到水,精子就會加速死亡。因為精子需要精液提供養份先可以生存到,精液同時亦輔助係精子移動嘅媒介。所以如果冇咗精液嘅保護,精子都難以生存同移動~

例如喺衣物/被鋪上面,呢啲物件會吸收大量嘅精液,而精子唔能夠穿透衣物纖維。所以精液一旦接觸到呢啲物件,其實不足幾秒鐘至幾分鐘就會死亡,精子死亡後亦無法復活:)

熱水方面,高溫本身會破壞蛋白質嘅結構,同時沖水嘅過程會洗走滋養住精子嘅精液,所以精子都會好快死亡~再加上你抹乾咗射咗係肚上面嘅精液,並且隔咗一段時間再沖涼,其實呢個過程已經令大部份精子死亡,所以唔洗太擔心啊~

希望呢個回答幫到你!

1個讚

Hello 你地好,我想問下射左係肚上邊之後有做基本清潔(抹肚,洗手),到佢下次去廁所既時間,佢會唔會有機會洗得唔乾淨去廁所既時候清潔下面時候掂到陰道而懷孕?
,然後消潔大概1-2分鐘到之後我去左洗手間,我知道射精後既第一次排尿有機會尿液有殘餘既精液,我想問如果唔小心淺到廁所板,我有用紙巾抹一圈,接住到女方去廁所會唔會有機會帶到精子進入子宮?
因為我自己唔肯定抹得乾唔乾淨 有甩漏。女方今日係黎m計既第7日。
其實有時自己家中有女生 我自己搞掂完既時候會用洗手間,接住就屋企人去, 呢個狀況經常都會發生,所以成日都好擔心。 希望你地解答下我
謝謝

其實精子嘅生命力好低,就好似上面位同事講咁:

「只要暴露於空氣,或者遇到水,精子就會加速死亡。因為精子需要精液提供養份先可以生存到,精液同時亦輔助係精子移動嘅媒介。所以如果冇咗精液嘅保護,精子都難以生存同移動~」

所以其實如果你有用水清潔過同有抹過,當你見到冇晒精液,咁精子都生存唔到,所以基本上都可以肯定唔會有懷孕風險,所以你都唔洗太擔心。如果真係好擔心嘅話,你下次進行性行為嘅時候,即使唔係插入式性行為都好,都可以考慮用返安全套,咁就可以更好咁避免精液、尿道球腺液、精子意外地接觸到陰部。另外,除咗安全措施同埋事後處理之外,都要諗下心理準備好進行性行為未。