我係七月份就開始食事前避孕藥，係去家計會開既，九月份既時候斷左一個星期，之後一直都有食，之後係10月28日開第三盒新，一直按時食最多相隔都唔超過兩個鐘內，但只係食左六日，係11月2號無套內射左一次，到呢幾日護墊會有少少褐色既分泌物，想問咁樣都會懷孕嗎？
Hello~你懷孕嘅機率係好低嘅，因為距離你九月斷食事前藥，已經隔咗大約兩個月，藥效已經建立，所以唔洗擔心有咗🫶🏻
至於你話呢排有啡色嘅分泌物，好大機會係因為性行為嘅過程太激烈，導致陰道出血，只要暫停進行性行為，大約3-5日到，畀時間傷口復原，就ok㗎啦！
但我今日突然有偏褐色的血流，距離月經應該仲有成十日，係萬寧買左驗孕棒都係一條線，但身邊人係著床出血
首先同你解釋返咩係着床出血先，著床出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後6至9日就會發生。而着床性出血並唔係一個常見嘅現象，即使真係因為懷孕都係只有少部分女性會出現嘅情況。
而且好似上面嗰位同事所講，因為你已經食咗兩個月嘅避孕藥，所以避孕藥後已經係身體發揮，而且你都係性行為後九日進行驗孕，如果有跟足說明書嘅使用說明，驗到嘅結果其實係非常準確，所以懷孕嘅機會較低～