遲左一個月都未黎m,但係冇性行為,肚係哩一個月有時會漲,請問係咩事？點先可以黎翻m?
你經期本身準唔準架呢？除左肚漲之外係唔係無其他經前嘅症狀，例如乳房比較漲、下腹痛等等？
生活上會不會有野發生而影響身心健康？例如生病、工作/朋輩/家庭上壓力咁？
1個讚
月經同各種生理因素密切相關
當然都睇下閣下係咪仲係青春期階段
青春期階段,身體內激素水平尚未穏定
對於月經期會有影響
再者,都要睇返對上一次性行為時間再作判斷
而月經遲黎,臨床上一般係以連續2周期遲7日或以上為準
若果月經遲黎情況時有出現 可搵醫生睇睇
本身一時準一時唔準
乳房有漲
壓力都有吖
從未有過性行為
但已經遲左個半月
其實想佢快啲黎都不外乎係減低個壓力，作息定時同均衡飲食。如果你唔係初初黎經之後幾年的話，離上次週期3個月都未黎的話，就可以去睇醫生。
另外亦可以搵中醫調理身體，但每人體質唔同，需時亦都會較西醫長去做調整。
可能我誤解左你意思啦 我一開始以為你有性經驗 只不過上一個月無發生 所以遲黎
肚脹情況我都可以大概推測一下：
一般月經後期既女性 子宮內膜會持續增厚
一般黎講 月經黎之前子宮內膜可厚達10-12mm 有D對自己身體變化比較敏感既女性就會覺得肚脹
中醫方面，我可用簡單見過既病例同你舉下例
我讀書時期見過不下10例既女仔 月經遲黎 大家都有同一特點 就係長期呢埋係冷氣房無曬過太陽
後來我建議佢地外出曬下太陽 同比個穴位佢地自己返去按
最快見效既女仔 係曬完太陽後 當晚就黎月經
利申：中醫人
肚漲既情況已經冇左 但重未黎m 如果到月尾都未黎 睇西醫好定中醫好？
平時上PE堂都有曬太陽同我經常飲凍野
請問係邊個穴位？
經常飲凍野對於女仔並唔係好事。。。
中醫有寒凝氣血既相關症狀 嚴重既會影響人體體質
導致自身陽氣不足而無力推動氣血 月經會延遲等
學術野我就唔講咁多啦 女仔要注意保暖
一般既可樂㷛薑 紅糖生薑水等都可以助女性陽氣推動
但重點係薑既份量必須係糖兩倍以上 咁先有用架