擔心會中點算好

琴日第一次同男朋友發生關係,月事第4日,男朋友冇帶condom射咗出嚟擔心自己會中。可以點做?

女仔,你今年幾多歲?若男友冇帶套的情況下,在你體內射精,而你又無食避孕藥的話,你很大機會會中。

Hello 你好~

如果無使用安全套進行性行為,係有懷孕風險的。根據你的情況,你可以考慮進行緊急避孕,可以喺性行為72小時/120小時內,喺醫生處方下服用緊急避孕藥。你可以盡快預約家計會診所/母嬰健康院/部分私家診所睇醫生,因為緊急避孕係有時限性的,視乎不同類型的事後丸需要係性交後的 72 至120 小時內服用。但記著不是每個人的身體狀況都適合緊急避孕,所以服用前必須經醫生評估,不要自行到藥房購買服用。雖然你係尋日發生性行為,但如果要選擇進行緊急避孕,都要盡快去決定。

可以提供家計會預約流程給係參考,首先,如果你係26歲以下嘅未婚人士話,就可以預約家計會嘅青少年保健服務,你可以上返家計會網站,睇吓方便去邊間保健中心,去之前打電話預約就可以。網址係呢個:青少年保健 - 家計會

如果係26歲以上,或者26歲以下已婚女士,就要去家計會節育指導診所,呢個就無需預約,喺開放時間去就得啦。你可以上網睇下自己方便去邊間診所:節育指導 - 家計會

如果你認為唔需要使用緊急避孕措施,但又唔安心嘅話,可以考慮自行驗孕。如果想買驗孕棒驗孕嘅話,都建議去返一啲信譽良好藥房或者大型連鎖個人護理商店,買返啲可靠嘅牌子嘅驗孕棒驗孕。一般性行為7日後驗孕就會有初步結果, 11日之後就會得到相對準確嘅結果。你可以計算返日子,然後根據驗孕棒包裝/說明書嘅指示進行驗孕。另外,都可以買多一個牌子,去對比下結果,如果都係陰性嘅話,咁就可以放心係冇懷孕。

不過都提醒返,如果本身冇生育計劃嘅話,都會建議做足安全措施先進行性行為,例如用安全套,不但可以有更好嘅避孕效果,仲可以預防性病傳播。而就算喺非插入性行為,仍然有某程度嘅懷孕風檢,所以就算喺體外磨擦,都建議使用安全套,保障大家又心安。

希望可以幫到你!

已經食咗事後丸