你好，先交代一下背景26歲，有女友，拍拖2年半，剛開始做愛都好頻密，之後慢慢拍拖都有1星期1-2次(都有戴套)，一直冇乜事，
直至最近3個月叫做半同居(1星4-5晚係佢度訓)，同居後一星期都冇一次，有幾次仲戴套失敗軟左唔成功，最近一個月就得1次，仲要早洩，唔知係咪心理壓力（個人比較多野諗成日驚滿左唔到女友），最近個幾月都對性冇乜興趣，以前自慰2-3次，周末都仲可以交到貨比女朋友，雖然而家前戲都有硬，但一知道準備戴套做，個腦就突然空白冇以前咁自然同埋有著由刃有餘既感覺，但我幾有信心如果唔戴套慢慢入應該會成功冇問題…
想請教一下：
1）我既問題算唔算心理問題? (但最近自慰都有少少不受控既感覺，好快射)
2) 女朋友方面大家都有攞出嚟傾，同佢講我近排不在狀態，但總唔可以一直用哩個做藉口，（上3個禮拜都完全冇自慰，係佢度住4-5日但個人就有d depress) 我應該點做好？
3）生理方面最近好似冇以前扯旗咁硬，同埋易射左，係咪應該立即睇泌尿科睇？
謝謝
你的問題很大機會是心理問題，建議你可從以下方面著手，看看問題會否改善：
從食物方面入手：
為身體補充足夠的鋅，以提升精子和精液的質量。可以食鋅片，或蠔、南瓜子之類含鋅豐富的食材。
從作息方面入手：
要有足夠的睡眠，精神狀態和睡眠質素會很影響性表現。另外，工作壓力，身體過度勞累也有一定影響。作息要有定時。自慰和性行為次數不宜太頻密，以影響質素，也容易導致身心疲累。
從運動方面入手：
建議和女友一起多做有益身心的運動，例如行山、跑步。能增加體力和耐力之餘，亦能培養感情。
從身體方面入手：
若感到性欲缺缺，可以按摩捽揉睪丸，以增加睪丸的血液循環。另外，可從上往下捽揉肚臍的位置。
多謝你咁詳細分享你嘅問題。你提到半同居後就少咗同女朋友發生性行為，同埋開始表現不如前，估計你好大機會係心理壓力多過有生理問題。通常在生活上或環境上改變都會讓人有壓力，你可以諗下近期在工作上或學業上會唔會都為你帶來壓力，如果在生活上有壓力，可以嘗試減壓俾自己放鬆下，如多做運動或做一啲自己鍾意既野。另外，你宜而開始左半同居，唔知道你們係咪與家人同住，如果與家人同住，這也可能係你既壓力來源，可能你會擔心親熱時被家人察覺，或者親熱會就住就住，都會影響表現同親熱意慾。你可嘗試下同女朋友係外面，如渡假、酒店等地方嘗試親熱。為咗令雙方放鬆心情，你們可以嘗試在前戲方面花多啲時間，例如：互相按摩、愛撫性器官、親吻等，增加浪漫氣氛。在環境方面，也可以嘗試點下香薰蠟燭，或者播放下音樂等，都可以改善一下氣氛，或減低被家人聽到的尷尬。
至於，你同女朋友傾談時，其實唔使用唔係狀態黎做藉口，不妨坦誠跟對方溝通，講出你擔心或壓力既問題，等對方都了解你情況，佢亦可以相對改變大家親熱既方式讓你增加刺激感。你要明白親熱係兩個人既事，亦需要互相配合，唔係單方面的，所以你唔使驚滿足唔到女友而強行逼自己去滿足對方，這樣反而會令你有更大壓力，令表現更差。另外亦可以同女朋友溝通一下性行為既方式，例如對插入式性行為的渴求。如果雙方都有共識，可以嘗試係狀態唔好時選擇以其他方法，如親吻抱抱、愛撫等，互相了解大家在性歡愉上的喜好，都可以改善雙方對性既追求同滿足。
建議你在尋求醫生協助之前，可以先跟伴侶多些溝通，互相了解大家，或者可以減輕自己壓力和心理負擔，問題應該可以有所改善。如果情況無改善，才考慮找醫生協助，檢查一下有沒有其他生理問題。除了找醫生協助，你亦可考慮找其他專業人士幫助，如性治療師、輔導員等，他們都可以協助你尋找性方面的壓力源，如果想了解多啲呢方面既資訊，可以到以下網址參考下https://www.famplan.org.hk/zh/our-services/clinic-services/sex-therapy/content
記得要先同伴侶坦承溝通，希望可以幫到你啦！