唔知有冇精液掂到 急!

女友有幫我口交 自己手淫射出嚟 用紙巾抹乾啲精液再幫佢磨佢陰蒂 但我唔肯定有冇少量精液係我隻手會流入佢陰道 同埋我曾經掂過陰道外面邊邊
以及磨完陰蒂之後好似掂到佢陰道口
(我喺係佢安全期先有呢啲性接觸)
Thxxxxx

Hello 知道你好擔心,但根據你所講既情況,懷孕既機會係好低既。首先,精子離開咗體外之後暴露喺空氣中其實好快就會死亡,而你用紙巾抹乾精液後,再抹女伴既陰蒂同外陰,精子都好難生存。即使有少量既精液,精子亦難以從外陰經陰道進入子宮受孕,所以你不用太擔心。另外,在完事後清潔性器官應該要使用新的紙巾或毛巾各自清潔,不要用同一紙巾一同清潔,因為就算唔講懷孕風險,呢個都係衛生問題。

至於你提到係安全期先有呢類接觸,其實安全期係不可靠的,沒有所謂的安全期。因為28天週期,第14天排卵只是科學數字,外在及內在因素都會影響月經和排卵期,例如:情緒波動、荷爾蒙變化、生病、服用藥物、生活作息有改變。而且卵子在體內最長可生存1-2天,而精子在體內最長可生存2-3天,由於兩者生存期不一同,假如在第一天有精子進入體內,而第三天排卵,這樣便有授精可能。所以要知道準確的排卵日是需要在月經出現後才能推算出來,除非每一日在醫護人員指導下用排卵試紙作測試,否則是不能準確知道幾時排卵。

不過如果你地真係好唔放心,可以考慮叫女朋友自行驗孕。而我哋會建議你地去返一啲信譽良好藥房或者大型連鎖個人護理商店,買返啲可靠嘅牌子嘅驗孕棒驗孕。一般性行為7日之後嘅話就會有初步結果, 11日之後就會有準確嘅結果。可以買多一個牌子,去對比下結果,如果都係陰性嘅話,咁就可以放心係冇懷孕。

不過都想提醒一下,無論任何形式嘅性接觸都好,即使不是插入性行為都建議做翻安全措施,選擇返同伴侶都認為合適既措施,包括如安全套、口交膜、避孕藥等,咁就可以減低懷孕風險!而進行安全性行為,如正確使用安全套,除咗避孕外,亦可減低性病傳播嘅風險,咁就唔使太大擔心!

但我唔sure 抹完之後有冇抹唔清楚
而我當時有掂到陰道口(磨咗一陣陰蒂後)

外陰係咪不同於陰道口?

陰道口即係陰道嘅出口,而外陰嘅範圍更加大,包括大、小陰唇同其他部位。可以參考資料:【圖輯】陰部重新出道計畫:你看過自己的私密處嗎?|女人迷 Womany

如果你唔肯定有冇淨低嘅精子喺手,我地亦都冇可能知。你重複發問同樣嘅問題我地都只可以俾到同樣嘅資訊。精子要靠精液提供養分先生存同移動到,精液離開體外會揮發,再加上有抹過,當中嘅精子唔會生存同移動到。

如果你好擔心嘅,你可以同女朋友商量進行驗孕。可能你地親眼見到個結果會安心啲。

下次再發生性接觸之前,即使唔係插入式性行為,都可以使用安全套,避免陰道/陰道口同陰莖/精液/尿道球腺液接觸而有懷孕風險。亦可以考慮喺你身心準備好之前,唔好發生任何形式嘅性接觸。