私密處（陰唇對上少少）生咗粒粉瘤 有少少紅同埋痛
想問如果想睇醫生應該邊度睇？
16歲係咪淨係可以去家計會？定邊度有得睇醫生
Hello 陰唇生咗粒粒可能令你好擔心同埋都會覺得唔舒服
如果你想睇醫生嘅話，家計會嘅青少年保健中心可以提供服務，你可以打去你想去嘅地點或者上網預約：https://www.famplan.org.hk/zh/our-services/clinic-services/youth-health-care/content
或者可以考慮母嬰健康院，不過要留意開放時間，同埋都可以睇下需唔需要提前預約。
另外一啲診所都可以嘅，如果你有睇開嘅家庭科醫生都可以諮詢下佢地意見。
有時可能比較焗或者潮濕，油脂分泌可能導致有粒粒嘅出現，呢段時間記得做好清潔同護理。記得唔好自己搽藥或者擠佢，陰部嘅皮膚好幼嫩，如果有傷口可能會發炎。
記得每日用清水洗乾淨陰部，尤其係大小陰唇之間嘅位置，唔好使用比較刺激嘅清潔產品、亦都唔好灌洗陰道入面。盡量著棉質底褲同鬆身嘅下身衣物。
有咩問題歡迎再嚟搵我地呀～