其實點樣先至要割包皮

我本身對異性好好奇,所以有睇開AV/YouTube一啲取悅男仔嘅教學,所以對異性身體都有少少了解

件事就係咁嘅
琴日第一日同男朋友玉帛相見
一開頭我見到 佢未勃起嘅時候,龜頭係俾包皮覆蓋住
咁之後我開始tease佢啦,原來我細細力拉,就算佢未勃起,包皮都可以褪到落冠狀溝
咁佢慢慢開始勃起,到完全勃起之後,我就諗住用手令佢舒服下先
我覺得真係幾得意,因為就算我將包皮拉返上去,但因為佢陰莖體積變大咗,所以呢個時候包皮唔會再完全覆蓋龜頭,而且仲會因為龜頭膨脹咗而導致包皮會自動褪返落龜頭下面

咁拉高之後我好自然就拉低佢啦,stroking嘛,但拉到一個位,feel到有阻力,應該係繫帶,我驚再拉落去會整痛佢/令佢受傷,所以停咗

咁樣算唔算包皮長?
衛生情況冇問題,冇包皮垢 冇異味
只係唔平滑,即係呢個 Ridged band - Wikipedia
咁嘅話有冇需要叫佢睇醫生 由醫生判斷使唔使割包皮

唔該晒

Hello 明白你擔心你男朋友可能包皮過長,有包莖嘅問題。

但憑你嘅描述,你男朋友都唔使專登去割包皮嘅。本身包皮係可以保護龜頭,避免磨擦,減少細菌接觸尿道口,所以並唔係要包皮24小時完全無法覆蓋龜頭先叫正常,相反咁樣其實係包皮過短,都係另一個問題。其實只要可以上下移動,露出龜頭嘅話,其實都唔算係有包莖問題,唔使專登睇醫生割包皮。

一般嚟講,如果包皮過長或者過緊,就會導致難以露出龜頭,咁龜頭就會比較難清洗,容易會藏污納垢,有機會導致龜頭炎。而憑你描述,你男朋友嘅包皮本身已經可以褪到落冠狀溝,而且唔會覆蓋龜頭,另外又冇衛生問題,冇包皮垢冇異味,咁其實都唔需要擔心有咩問題,唔使刻意去割包皮都得。

最後都提醒返,男性勃起之後,露出龜頭係非常正常嘅事,所以都唔好太過刻意要拉低佢,因為都可能會整親或者造成痛楚。

呢到都可以比張圖你睇下,分辨返唔同嘅包皮:

陰莖真係神奇,如果兩個情況同時存在係咪都正常?
即係有時就包皮過長,有時就正常,但可以透過自己用手拉上拉落嚟調節
唔會出現包皮嵌頓

其實正常男性冇勃起嘅時候,包皮係會包住龜頭,防止細菌進入,可以起到一個保護嘅作用。而當陰莖完全勃起嘅時候,就會露出龜頭。除非完全勃起都露唔到龜頭,如果唔係都唔算包皮過長。所以你男朋友嘅情況應該係正常嘅,冇割包皮嘅需要。