😨唔清楚,請指教

月經來了,是不是代表不會懷孕?

Hello

如果你肯定係已經嚟咗月經,就代表唔會懷孕啦。

個原理係,因為女性會週期性排出卵子,子宮壁內膜亦會增厚充血準備受精卵著床及孕育胎兒。當卵子沒有受精,已增厚的子宮內膜便會在兩星期左右自行剝落,從子宮頸口經陰道排出體外,而呢啲就係所謂嘅月經。所以調返轉來講,當你見到月經,即係代表子宮內膜剝落,即係代表卵子冇受精,即係代表唔會懷孕。

但都要留意番,都有可能會有其他出血情況容易令人混淆咗係月經,例如排卵期出血。可以留意下今次經血嘅血量、嚟嘅日數、質地等等,如果今次同之前嘅係一樣或者相似,咁都可以肯定係月經,唔使太過擔心。但如果係同平時好唔同嘅話,例如出血量比較少或者比較稀,咁就可能係排卵期出血,或者係精子卵子著床而出血,咁就要留意下。

咁請問我之後射咗喺女朋友嘅身體上面,隔咗一陣就去咗沖涼,啲精子會唔會流入陰道?

Hello~其實只要雙方嘅性器官冇直接接觸嘅話,係唔會造成懷孕嘅。因為精子暴露喺空氣中通常幾分鐘內就會死亡,而且精子需要有精液嘅保護先可以生存,所以當接觸到皮膚、紙巾等表面嘅時候,精液會被吸收同揮發,進一步減低精子嘅存活率。加上你有用水沖洗,所以精子係冇辦法進入到陰道嘅,可以放心🫶🏻