其實我有好幾個問題想問你哋， 只是我覺得分開問可以問得詳細Ｄ！
宜家胸部仍然好細，自從小五果時發育過之後，到現在一直都冇再發育！！！好傷心！
1.隔咗咁耐都冇再發育，會不會代表就算將來發育，個胸都唔會大得去邊？或者，甚至已經停止發育，唔會再大？？
唔該！幫吓我！我宜家好淒涼 TAT ，年紀越來越大，但係仍然平坦，TAT
詳情可以睇番我之前Ｄ發問
之前呢度嘅義工都有答過乳房生長嘅階段，其實只係隔左個幾月，發育當然唔係咁明顯吧。
同埋乳房細啲其實無問題架呢，真係要糾正自己大就係靚同好嘅觀念，成日唔開心都唔係辦法架。
你覺得點樣先係大啊？其實大細的睇法好因人而異喔。
其實已經唔只係幾個月， 我小五個時發育過，但直至宜家，期間一直都冇再發育，胸部大小頌係停留喺小五個時！所以咁樣先令人沮喪啊~
其實我又唔係咁concern大定細，只係就算細都最起碼穿校裙時，比人見到凸出嚟！好睇Ｄ同自信Ｄ…
因為見到我果班Ｄ女仔都已經非常凸出，令到我好自卑！
點算呀？我宜家可以做嘅嘢，係咪只有「默默等待」？
當然希望自己凸出一Ｄ，但宜家只係希望着校裙時，比人見到凸出嚟！好似自信Ｄ！
會唔會一直停留喺小五嘅大小，去到20歲都冇再發育㗎？好驚！怕會一世人掛住「飛機場」這個名！點算？
點解我個胸唔係按照乳房生長嘅階段去發育嘅？有冇問題㗎？
首先呢自信唔係只係建立係乳房大小上面呢。其他同學可能大D, 但唔代表佢地個自信都係由身材得黎。我明白每日見到同學, 會令你有D無型壓力, 但我都係覺得, 要係其他地方加埋黎培養返你嘅自信。跨張D講, 可能人地乳房宜家係大D, 但可能佢身型上係「肥底」, 可能都因為咁而無信心呢。
同埋真係同人相處係黎, 係內在美緊要過外表同身材。
我覺得要做嘅真係唔多, 之前你提過食木瓜等民間嘅方法, 係唔影響正常飲食都可以試。另一樣可以試就係按摩乳房, 據說係會有功效, 但通通都係要時間架呢, 所以真係唔好太心急。
P.S. 大波波唔係你想像中的好, 以前有同學稍為突出少少都想用冷衫去遮
1個讚
嗯。咁我都會嘗試唔好咁心急嘅。
2.但係點解我個乳頭唔發育嘅？
3.而且當個乳頭冇受刺激個時，只係乳頭中央個度會凹陷入去？？ 但當我用手狂搞佢，粒Lin又會平返，同時接近lin頭嘅乳暈會凸凸哋咁？？
請問您知唔知點解會咁？？係咪有問題？需唔需要睇醫生？
只能講係「時辰未到」呢
有D人乳頭係凹陷的, 但刺激佢個時平返, 而乳暈係會少少凸返出黎, 咁就係正常呢, 無需擔心
1個讚
首先想問一下 而家幾歲?
同埋唔好咁著重乳房生長階段
因為生長階段會受唔到因素影響到 未必人人都跟足
樓主係14歲
14Y 正在青春期階段
不必過份緊張
當然都可用天然的自我按摩方法改善身體體質
促進乳房局部血運助發育
真係非常唔該您啊！呢件事喺我心度鬰咗好耐，之前頌超膽心係咪有事，有您解答我呢個疑問，真係唔該您！
點樣刪post
點解有刪post嘅需要嘅？
因為有啲同學睇我啲post 有少少尷尬 冇咗個掣 畀我刪post
請教我刪po
我覺得沒有刪除的需要, 在這, 如果你的同學見到, 我希望你同佢地都明白, 青少年對性及成長的疑問, 大多不會深入在中小學課堂裡討論, 我相信這個網站的成立, 就是想針對這個問題; 我比你年長, 可以告訴你, 我們也在差不多的氛圍下成長, 獨自摸索性個成長是怎樣的一回事, 不是每個人也幸運地找到合適的途徑, 有些甚至是’聽別人說’ , 被誤解影晌身心成長.
在這我也佩服每位在這兒發問的人, 你們的勇氣, 其實不單幫助了自已, 也幫助了別人
1個讚
咁寫在上面嘅嘢，就唔可以刪除？