我本身好少自慰，因為驚俾屋企人發現
發現嘅意思係指發現我自慰嘅痕跡
其實係惡性循環
因為我少自慰啦，講緊係幾個禮拜，甚至個幾兩個月先一次，同埋我慣咗慢慢build up，所以就變咗精液量偏多，而且都射得遠，一般都有60cm，之前甚至試過有成1米 我竟然無聊到走去度射幾遠
咁我冇自己嘅房，所以都係等屋企人出晒去而且短時間內唔會返嚟嘅時候先至喺toilet自慰，不過亦都試過屋企有人都照diy，因為真係有時好硬，而且仲要有尿道球腺液，成件事好辛苦
呢個時候就出現咗個問題，feel到就嚟射嘅時候當然攞定紙巾啦，但我竟然射穿咗，不過咁都好啲，起碼有紙巾嘅阻力，我見到精液去咗邊，可以抹返
最慘嘅就係，有一次，其實已經係上個月嘅事，我汲取咗之前教訓，於是攞多少少tissues，摺厚佢，冇錯係冇穿到，但肌肉收縮得太勁，射到出晒去，我完全冇except過我會射成咁，咁就弊傢伙喇，牆又白色，地板又係白色，我又冇留意射咗去邊（其實係太舒適，我不自覺合埋咗眼），咁我咪好難清潔返個環境
更甚者，我仲曾經試過因為太忘形，唔記得抆定紙巾，結果就，大檸樂啦，不過呢個係我自己抵死
所以我而家唔係好敢自慰，我驚自慰完之後會俾人發現個toilet有啲「不知名液體」
我都唔知係咪我overthink咗
其實多啲自慰係咪自然就可以令射精強度降低？
但我又驚自慰太多會對身體唔好
定我應該唔自慰，等身體自己透過夢遺排出精液？
可唔可以教下我應該點做
講句唔該先
你好啊，多謝你對我地嘅信任啊。明白有時因為空間問題，所以就算想自慰，都要忍住，等屋企人岀門口先。
首先見你都擔心射咗落牆或者地板到，清潔唔到，怕俾家人發現，欣賞你嘗試過解決問題，其實可以試下考慮自慰時用安全套或者飛機袋，咁就唔怕會有射穿咗嘅情況岀現，亦都唔怕要清潔翻個環境。
另外，自慰得多唔會對身體唔好嘅，坊間有啲講法話會發育不良或影響性能力，依啲講法都唔啱嘅，自慰唔會影響健康，相反，除咗有性歡愉外，都可以幫助放鬆或者睡眠，自慰嘅過程中，可以令我地更加認識自己嘅身體。無論咩原因都好，只要無影響到日常生活，就無問題！夢遺的確會釋放精液，但係我地控制唔到夢遺嘅次數，夢遺亦解決唔到性需要，如果有性需要嘅情況下，忍住唔自慰嘅話，可能會更加辛苦同壓抑。自慰嘅次數無一個正常嘅標準，自慰喺每個人嘅正常生理需要，每個人喺唔同時候嘅性需要都喺唔同嘅，所以唔需要擔心自己係咪自慰得太多或者太少。
射精的強度和自慰的頻密程度並沒有必然的關係。且自慰是很個人的事，你不必強忍自慰的衝動。
明白你的難處，我小時自慰亦是趁屋企人不在家的時候進行的。建議你可以嘗試去公廁解決，或在沖涼時解決。
至於衛生問題，你可以嘗試在自慰時套上避孕套射精，射進避孕套裏便省掉不必要的清潔問題了。
原來香港買condom咁貴
如果未夠18歲嘅話，係咪淨係可以網購？
同埋應該揀一啲望落唔似飛機杯嘅款式？
香港買安全套係無年齡限制㗎，當然都可以網購啦！買咩款式都好，最緊要買到適合自己嘅！
原來冇年齡限制嘅，唔該你啊
但係我係擔心買完之後唔知放邊度好
安全套唔建議放銀包，如果有銀包放褲袋嘅習慣，體溫有機會破壞安全套嘅乳膠物料，而且銀包比較多卡, 硬幣等尖銳/硬物，會容易整爛安全套包裝，放返係原裝盒或一啲具保護性嘅物件入面會好啲!
Hello~同屋企人住嘅話，一款隱蔽性好嘅飛機杯可以避免被發現嘅尷尬～
有啲飛機杯嘅外型就專為你呢類人特別設計，例如有款飛機杯係參考牛奶樽
嘅形狀設計嘅，一般人見到唔會覺得係飛機杯，只會覺得係一個樽/牛奶樽形狀嘅擺設，或者係紙縝，咁就算擺喺書架度都唔會留意到佢嘅存在。而有啲飛機杯係可以折疊嘅，有啲嘅體積細到甚至可以放入保溫杯裏面。不過，就算飛機杯做得再隱蔽都好，如果收藏得不好嘅話，都係有機率被發現嘅。所以如果想再保險啲，建議你可以配合一個有鎖嘅盒收埋個飛機杯，再擺喺一個唔容易被發現嘅地方，例如書櫃頂，或者唔常用嘅手袋入面。
其實，我覺得用性玩具完全冇問題，被發現亦都唔需要覺得尷尬。事實上99%嘅男人都會自慰，所以其實用飛機杯都係好正常嘅事，正確合理咁使用飛機杯，可以減壓，亦都可以令人心情愉快，比起一直壓抑對身體更有好處。同時合理科學咁使用飛機杯可以幫助引導自身鍛鍊，只要唔好太過頻密使用，對男性係只有好處冇壞處嘅。而因為每個人都會有生理需求，有需求嘅時候就想辦法喺唔影響到其他人嘅情況下解決，所以係一件正常不過嘅事。如果你收收埋埋，屋企人可能反而會覺得奇怪
不過如果你係網購嘅話，就要記得同賣家要求保密發貨，確保包裝上面唔會有令人誤會嘅字眼。另外，建議你唔好寄去屋企，避免你唔喺屋企嘅時候畀屋企人拆開🫣。你可以選擇寄去自提點，或者使用智能櫃，自己去攞就最保險啦！🫶🏻
你亦都可以參考以下嘅性玩具店，裏面除咗有唔同國家製造嘅飛機杯之外，亦都有其他男士自慰用品，例如龜頭震動器等，等你有更多嘅選擇🫶🏻
