避孕藥急問

我女朋友今日食完一盒優悅,並且今日開始嚟m。但今日想去買時,先發現萬寧同藥房都沒有貨。所以想問可唔可以停一日等聽日有貨再買嚟食,會唔會對避孕效果有影響?

你好啊,見到你女朋友食優悅,如果漏食一日,就需要喺24小時內補食,即係聽日買到藥後,就要喺平時食藥嘅時間,食兩粒藥,之後每日一粒。如果漏食兩日,需要喺跟住嗰兩日連續食兩粒,以確保避孕效果,之後就每日一粒,直到食完一盒藥。 除咗食返藥之外,之後7日內如果要發生性行為都要外加安全措施(即係用安全套),因為俾返少少時間身體鞏固返藥效架。

我地都建議可以買定多一兩盒藥,除咗怕會無貨,有時可能食藥時唔小心整跌咗粒藥,又唔想打亂本身食開嗰排藥,都可以有一盒備用for補食!

我今日去萬寧買優悅,都係冇貨。之後我問下佢嗰邊嘅藥劑師,佢話可以轉優思明,並且唔洗補昨天嗰次藥,由第二粒開始吃就得。佢仲話大部份避孕藥都

一樣成分,請問係咪真:exploding_head:?(因為我女朋友已經照做)

Hello~優悅同優思明的確成份差唔多,但雌激素嘅劑量唔同,食嘅方法都唔一樣。優思明係21粒裝嘅,需要服用21日有藥性嘅藥丸,跟住7日無藥期無需服藥。不過,因為兩種藥嘅劑量都唔高,所以就算轉藥都唔會有太大影響嘅,可以放心。詳情可以參考以下網址:

https://www.yaz.hk/yaz_vs_yasmin