有關月經時用避孕藥問題

你好:wave:t5: 我想問一下如果在月經時食第一次避孕藥在夜晚10.00食的,之後在第二朝飲完奶之後有點輕微肚屙,我想問需不需要補食番粒藥呢?🫣

Hello~:heartpulse:因為你肚屙嘅情況距離服藥有一段時間同埋情況較為輕微,咁理論上粒藥有足夠嘅時間被消化吸收,應該唔會影響藥效嘅;但如果肚瀉情況都比較嚴重,咁就可能要問返醫生需唔需要補食,同時都建議頭兩個禮拜發生性行為嘅時候使用安全套,以防藥效受影響導致相對較高懷孕風險。

不過,如果你之後發現肚痾係因為服藥嘅副作用,甚至係因為食避孕藥導致你腸胃更加敏感,可能都要再睇下身體對於呢款藥嘅適應情況,或者諮詢下醫生睇下需唔需要轉藥。如果你之後發現係因為盒奶變質,導致腸胃炎所以肚屙,而你需要食消炎藥/抗生素嘅話,係有機會影響避孕藥嘅,咁建議兩隻藥嘅服用時間要錯開至少2小時。

我通常飲完奶就會有大便:joy: 所以就在想會唔會影響到避孕藥:rofl::rofl: 多謝解答

咁就應該唔會有影響嘅,可以放心:rofl::heartpulse:

1個讚

另外再想問下,食得太飽消化不良會唔會影響到避孕藥嘅消化同藥效架? 訓教果時個胃頂住頂好吾舒服,但係驚食胃藥會影響到避孕藥:sweat::sweat:所以冇食到🥲

Hello~如果食得太飽消化不良,有機會令到避孕藥吸收嘅速度變慢,不過唔會影響藥效嘅。

至於食胃藥會唔會影響到藥效,其實任何藥物都可能影響避孕藥裏面嘅荷爾蒙效力。所以,如果食避孕藥嘅同時服用緊其它藥物,最好配合埋另一種避孕方式。因為服用完抗生素之後,就算隔咗幾個鐘再食避孕藥,都唔能夠保證抗生素嘅藥性唔會影響避孕藥,畢竟藥物喺體內會有半衰期嘅情況,甚至可能影響新陳代謝。除咗感冒藥同抗生素會影響避孕藥效果,一啲精神疾病用藥,例如癲癇、抗憂鬱藥物等,佢嘅影響更大。如果有服用開上述藥物,咁喺服用避孕藥之前,一定要事先查詢婦科醫生,並針對個人情況做調整🫶🏻

影響吸收的話 懷孕機會也會增加的嗎?:disappointed_relieved:

放心,只要有成功吸收,就唔會影響懷孕機率。所以只要唔係嚴重嘅屙嘔,或者漏食藥,就唔會令懷孕機率增加。