仲有少少擔心 😦

上一個post 提到 買左避孕棒 測到negative 出嚟
而 7 號月經都到左持續左 6 日 但最近有作嘔嘅症狀
請問一下月經到來係咪就排卵?更想問係咪M 到就等於冇懷孕?因為我上網見到有啲人懷孕但都仲有月經
會唔會因為著床時間同埋月經到來嘅時間差唔多而導致懷孕而有月經?
求解答 🥹

1個讚

Hello, 好多謝你嘅問題吖~
你唔洗太擔心嘅, 因為都見到你上次有講到話都男朋友冇發生插入式性行為啦,咁懷孕嘅機會係極度之小,經期嚟咗6日嘅話,就代表卵子冇受精。

因為月經係女性週期性排出卵子,子宮內膜隨黃體素的上升而隨之充血、增厚,以準備受精卵著床及孕育胎兒。若卵子沒有受精,子宮內膜會停止增厚並脫落。儲存的血液、 殘餘細胞和黏膜會形成經血,從子宮頸口經陰道排出體外。所以嚟月經就係代表卵子已經排出,同埋係冇受精嘅。

而你所講嘅懷孕有月經,應該係指着床出血,意思係指當受精卵喺輪卵管移動到子宮內膜著床嘅時候造成微量出血,而你嚟m嘅日數都長,係6日嘅話,就可以十分之肯定你唔係着床出血同冇懷孕。網上周不時會有唔同嘅資訊,但都要自己衡量一下,小心呢啲資訊嘅準確性吖~

都見到係擔心咗好一段時間,辛苦你喇,但你可以放鬆少少,唔洗太擔心喇,因為如果太過焦慮,壓力大,身體都會因為呢啲心理因素導致不適。所以可以放輕鬆,定時休息食嘢就可以了。

如果仲係好擔心,你可以再驗多最後一次,都係陰性的話就可以放下心頭大石,相信自己同埋個結果,就唔洗再擔心喇!

希望呢啲資訊幫到你啦~

1個讚