食避孕藥後嘔吐及肚屙

平時我係每晚9點食藥既
頭先下午12點半我就開始痾嘔
想問下會唔會影響功效?洗唔洗補食?
Thankyou

補充返食藥已經有2年了

Hello~:two_hearts:因為你已經服用咗藥物一段時間(2年),咁身體應該已經建立咗穩定嘅藥效,懷孕風險會好低。口服避孕藥有好高嘅避孕成功率,如果每日按時服藥,冇漏食/食完短時間内嘔吐/嚴重肚瀉嘅話,避孕成功率有99.7%,所以唔配合其他安全措施一齊用,懷孕風險都係好低嘅。但係都想提返你,避孕藥唔可以防止性病傳播或者其他感染(例如念珠菌等細菌感染),如果你想更加安全嘅話,你都可以配合安全套一齊使用。 :relaxed:

另外,因為你肚屙嘅情況距離服藥有一段時間,咁理論上粒藥有足夠嘅時間被消化吸收,應該唔會影響藥效嘅,唔需要;但如果痾嘔情況都比較嚴重,咁就可能要問返醫生需唔需要補食,同時都建議呢個星期內發生性行為嘅時候使用安全套,以防藥效受影響導致相對較高懷孕風險。同埋如果你係因為服藥副作用而屙嘔,甚至係因為食避孕藥導致你腸胃更加敏感,可能都要再睇下身體對於呢款藥嘅適應情況,或者諮詢下醫生睇下需唔需要轉藥。如果你係因為腸胃炎所以屙嘔,而你需要食消炎藥/抗生素嘅話,係有機會影響避孕藥嘅,建議兩隻藥嘅服用時間要錯開至少2小時。