避孕藥疑問

第一次食yaz 食左3日(月經第一日黎就開始食第一粒pill) 準備食第4日嘅嗰一日(即係suppose嚟M嘅第4日)無戴condom做咗但係冇內射到 做嘅時候feel到好多分泌物 咁樣會唔會中 中嘅機率大唔大?:pleading_face::woozy_face:
同埋食左pill之後少左好多m 平時第二三日應該係好大流量 但係今次第二三日少到好似就嚟完m咁 請問係咪正常?

Hello~首先避孕藥係需要時間建立藥效嘅,所以就算你喺嚟月經嘅頭五日內服用,頭一個星期都需要配合其他外用嘅安全措施,例如安全套,先至可以確保避孕效果。

而即使冇內射都好,陰莖喺射精之前會分泌尿道球腺分泌,裏面含有少量精子,都有機會導致懷孕。加上排卵期同月經有機會重疊,所以只要性器官有直接接觸,就算你話feel唔到有好多分泌物,都有一定機率導致懷孕。

雖然總括嚟講懷孕機率唔大,但係如果擔心嘅話都會建議喺性行為之後7至11日進行驗孕,到時會有初步嘅結果,而14日之後驗,個結果就最準確。

另外,因為避孕藥係高劑量嘅荷爾蒙藥物,所以服用嘅初期有機會導致點滴或者短暫出血。詳情可以參考以下網址:https://www.yaz.hk/faq

不過因為你只係食咗幾日,副作用應該唔大嘅,所以唔使過分擔心。通常3-5個月後,呢啲副作用就會消失,而月經嘅規律就會固定落嚟,同時出血量同經前綜合症都會減少,而呢樣嘢都係正常嘅:relieved:

不過如果你服用嘅初期,身體真係好唔舒服,例如頻繁屙嘔,嚴重頭痛等,咁就需要睇醫生睇吓需唔需要轉藥🫶🏻