24+4避孕藥

想問如果食完24粒兩日後月經沒來進行性行為沒有安全措施會唔會有咗

Hello~只要避孕藥嘅藥效已經建立左,咁喺任何時間唔用安全套進行性行為,都可以有效避免懷孕。其實荷爾蒙避孕藥係用人造嘅荷爾蒙係取代本身嘅月經週期,原則上食咗藥係會抑制咗排卵嘅,而每個月出現嘅月經,都唔係因為卵子冇受精依排出嘅月經,但係點解都定時定候會見到有流血嘅狀況呢?

因為藥物嘅設計都想比使用者習慣每個月都有月經咁樣,感覺上有一個規律性同埋知道自己冇懷孕嘅感覺。所以食到最後嗰幾日冇藥效嘅藥物/停藥期,因為荷爾蒙嘅驟降,都會有少量子宮內膜出血嘅情況。雖然外界一般都會繼續叫佢做月經,但佢正式嘅學名其實係撤退性出血(withdrawal bleeding)。所以有時候喺服用事前避孕藥期間,特別係頭幾個月,都未必好似之前嚟月經咁,咁準時出血。

一般來講,係接近或者服食緊冇藥效藥丸期間,如果持續出現分泌物(好似以往嘅月經咁樣),都可以認為呢一個撤退性出血,亦都係你今個月嘅月經,所以你而家可以再等吓先嘅。事前避孕藥除咗會改變月經周期,亦會改變撤退性出血/月經時出現嘅血量同顏色,未必會好似以往月經一樣係咁鮮紅色嘅。相反,因為藥物副作用而出現嘅點狀出血通常量都會比較少,而且唔會好似月經咁連續幾日持續分泌。亦都有啲人食咗避孕藥戰撤退性出血都冇,或者要隔比較長嘅一段時間先會出血一次,而呢樣嘢係會因服用者嘅身體狀況而有所變化嘅,如果真係好唔舒服或者好擔心嘅話,都可以查詢返醫生嘅意見🫶🏻