好驚滿足唔到女朋友

唔知係我本身性慾唔強 定係因為身體真係太差
每次性行為之後都要一段好長嘅時間去恢復
講緊係幾日 甚至超過一個禮拜 先可以去返最硬
Girth同length個values已經唔係話好大 如果仲要唔夠硬嘅話 我真係驚佢唔滿足
好擔心 /︿\

但如果最後冇射精嘅話
下一次(例如第二日)個硬度就唔會跌
不過就可能會epididymal hypertension 好似谷住痛咁樣

其實我可以做啲咩去改善?
點樣可以令到個硬度唔好喺性行為之後跌得咁犀利 / 縮短陰莖恢復返去最硬狀態嘅時間
做多啲運動令身體stamina好啲?
我真係唔想每一次之間都要女朋友等咁耐
一個禮拜真係太耐

其實性慾係咪真係關事?
除咗生理上要身體好
心理上我係咪都應該要對sex好有興趣 好期待每一次同女朋友嘅時光 咁樣對勃起硬度會唔會有幫助

我可能問得唔係幾好
唔該晒你哋啊

Hello 好多謝你再補充咁多資訊俾我地,明白你宜家係有一定困擾。首先,你要了解性慾強弱係人人不同的,亦沒有標準去衡量。最重要既係與伴侶對性需求能互相配合,舉個例,有些情侶一星期進行一次性行為,有些情侶一個月進行一次性行為,只要雙方都能夠得到性歡愉,亦享受性行為的過程,其實性行為既頻密程度係沒有太大問題的。所以現時你可以先要跟女朋友好好溝通,了解一下佢對大家既親密關係是否滿足/滿意,如果沒有不滿其實是沒問題。若果對方有不滿足,亦可嘗試了解對方既想法和要求,而你亦可以選擇坦誠跟女朋友分享你既擔憂同生理上既不適,看看如何在親密關係時互相配合。因為親密關係從來不是單方面的,所以其實唔需要一面倒認為自己需要滿足對方,對方亦可以因應你既情況而作出配合或改變,只要雙方有共識及滿足,亦可以同女朋友溝通一下性行為既方式,例如對插入式性行為的渴求。如果雙方都有共識,可以嘗試係狀態唔好時選擇以其他方法,如親吻,擁抱,愛撫等,互相了解大家在性歡愉上的喜好,都可以改善雙方對性既追求同滿足。

另外,你提到size問題亦令你擔心滿足唔到女朋友,只要能正常勃起能夠進行插入式性行為,就唔需要太擔心因為size而滿足唔到對方既問題。如果擔心只有插入式性行為未必能完全滿足,希望雙方有更強烈既性刺激,可以嘗試在插入前花多些時間進行前戲,如愛撫、探索雙方既敏感地帶等。

至於你話性行為後需要時間才能恢復硬度,呢個係因人而已,要知道每個人的體能都不同,而且係生理角度來講,男性在性行為後需要嘅恢復時間係比女性長,所以唔需要因為自己恢復時間較長而自責啊。不過如果你發現宜家既恢復能力和時間跟以前唔同,亦可以尋求醫生既協助,睇下會唔會身體出現生理問題。因為唔知道你年紀,但隨著年齡漸長,恢復能力都會減慢,未必一定與生理出現問題有關。如你想維持或改善體能,平時就要保持做運動習慣。

而你提到性行為時唔射精就可能會epididymal hypertension 好似谷住痛咁樣,你講既情況學術上稱作附睾高血壓,係唔會造成任何實質傷害,通常呢種症狀也不會持續太久。但如果疼痛感持續幾個小時都不能自然緩解,或者頻頻發生的話,也需要找醫生檢查,排除其它疾病的可能性。如遇到附睾高血壓時,可以去沖個凍水涼、平躺等,來減少疼痛感。

希望呢啲資訊幫到你啦,記得要同伴侶多溝通,互相了解大家既性喜好和要求,生理同心理角度都同時影響住性行為嘅表現,所以可以嘗試減輕一下自己對滿足對方既壓力和心理負擔,都可改善雙方既親密關係。

有溝通過啊 佢想一兩日就一次 當然唔係個個禮拜都係咁 但佢有時真係好想要
不過佢都好諒解我 如果身體未恢復去最佳狀態 佢願意用其他方式代替插入式性行為
跟住前戲都比較長 有20-30分鐘 真係等佢濕晒先
後戲亦都唔忽略 唔會話射完就即刻唔理佢 自己走去瞓
至於年紀只係20歲咋

女仔性慾有時係咪會特別高?因為雌激素嘅影響?
佢有時瞓醒就會伸隻手入去摸我,話好想要,見到佢個表情我又唔忍心拒絕佢
其實我真係冇乜所謂,我又唔好意思掃佢興,加上休息夠 有晨勃 陰莖夠硬,我就冇say no
不過有時真係未ready,就要用其他方法
但我擔心當用得太多sex toys去代替性行為嘅時候,會唔會令佢習慣咗,反而以後更加難透過性行為得到滿足

首先,記住如果你自己係唔想發生性行為嘅話,都唔需要話覺得唔好意思而去勉強自己,因為進行性行為之前係必須要有共識嘅,而你係絕對有權利去拒絕發生性行為,唔好因為驚掃興或者唔好意思而格硬黎。

之後答返你嘅問題,其實每個人嘅性慾都係會有唔同,任何性別嘅人嘅性慾都會有時高,有時低,亦有啲人可能長期都性慾好高,但都有啲人可能長期冇乜性慾,甚至冇性慾,所以其實無論你嘅伴侶定係你都好,都唔係有咩問題,只係可能要溝通一個大家都適合嘅方法會更加好。好欣賞你哋有溝通過,同埋都有互相諒解,前戲後戲都有照顧到,嘗試搵出一個大家都適合嘅相處模式,係非常好嘅事。如果仲有唔夾嘅地方,你哋都可以繼續慢慢去探索下,唔需要覺得唔好意思而特別去勉強大家。

至於你提到嘅女仔性慾有時係咪會特別高,同埋係咪會受雌激素影響。的確,都有啲研究或者報導會話女性喺某啲時候性慾係會特別高嘅,例如排卵期前後,有機會會因為荷爾蒙,雌激素分泌影響,而令性慾特別旺盛。但係,其實好多唔同嘅因素都會對性慾有影響,例如生活習慣、情緒壓力、個人興趣、年紀等等,都會影響一個人嘅性慾,所以最重要都係明白每個人有性慾同性需求都係好正常嘅事。

而都好欣賞你哋因為性需求唔同而選擇用sex toys去代替直接性行為,呢個都係一個唔錯嘅替代方案。Sex toys都的確係可以係唔同方面增加性刺激,不論係插入式定係其他非插入式嘅Sex toys都可以係各方面增加性興奮,甚至都會有啲人都會喺進行性行為時,例如插入式性行為、口交嘅時候都會同時用sex toys。不過呢度都想問一問,你咁問係咪有咩原因?係咪擔心之後進行插入式性行為,自己陰莖插入時,對方會得唔到性滿足?

其實用sex toys同其他唔同類型嘅性行為同性接觸都係唔同嘅體驗,唔會有互相影響嘅情況,反而係可以提升性行為嘅質素,所以都唔需要太過擔心之後得唔到滿足,最重要都係你地雙方都有互相同意又舒適嘅方法。除咗用sex toys之外,如果你係擔心自己冇足夠體力去進行性行為嘅話,都可以選擇用手指進行指交,相對上體力要求都比較低。

最後都可以介紹你做凱格爾運動,係一個透過強化骨盆底肌肉、尿道括約肌等附近肌肉嘅一個運動,可以增強返持久力等等狀態。首先,幻想自己忍著放屁,收緊會陰肌肉。然後向上提肛,把肛門向上收縮,再放鬆。透過呢組運動可以強化骨盆底肌肉,從而增強持久性嘅。