我接近20歲，不嬲月經都算準既係月頭，因為今年3-4月開始都有睇中醫調理經痛，去到6月開始無睇。8月3號第一日之後就9月4黎。我習慣左遲兩三日既但到依家都仲未黎:sob:我唔知關唔關我9月有食豐胸藥事（店主站佢既藥會令經期準左）
加上由9月開始壓力大，10月3到4號仲差d通左頂，4號仲要晏就無休息過就直chur功課到下就5點。9月同男朋友玩過幾次但每次都有用套，每次做完都會望下個套，我覺得無穿（因為我保護機制幾高），同埋每次玩都會叫男朋友沖涼洗乾淨、射前要同我講同埋拔番出黎先可以射。但今日8號都仲未黎真係好擔心:sob:雖然好似有經前既徵狀例如腰酸背痛，今朝起身覺得下腹有d聚、10月5號仲睇野唔清楚有格，但都仲係好驚因為我內褲仲係好乾同埋唔知我係咪心理作用。究竟我中左機會大唔大有無人可以幫下我:sob:
假設性行為嘅保護措施無問題，咁只有兩樣野會影響經期。
你話9月時食過豐胸藥，係第一次食定係之前都有食開？宜家仲有無食？因為呢啲藥好有可能係荷爾蒙黎，食左當然會影響經期嘅規律吧。另外就係學業上嘅壓力，我諗呢個會係未黎嘅主要原因。
宜家其實無咩野可以做，放鬆心情，做可以減壓嘅野例如運動。有充足休息同睡眠，同埋暫時唔好有性行為住。
因為唔知道你食緊乜野藥，所以唔建議你去中醫度跟進，以免中西藥同時服食影響健康。最好徵詢家庭醫生意見，睇下個隻豐胸藥會不會有副作用，例如會做成月事不順咁。
隻豐胸藥我第一次食既，入面既成份我諗係d純中草藥掛？（佢claim）而我個胸係真係大左既唔知入面有無hormones啦，我依家無食架啦😭但我真係好驚會唔會係我自己眼大睇過龍以為無穿，但已經係用杜蕾斯厚身果隻套就係怕穿所以我覺得無穿因為無見有野滴落黎😭，男朋友一直都好體諒我叫我放鬆d但我依然好不安，搞到都唔知係我緊張過頭定點😭我地傾過如果呢個星期日仲未黎就驗孕，但又唔知邊隻準又唔知點好。
同埋我想知月經黎之前同懷孕前期可以點分？我點樣可以知我屬於邊種？
首先唔建議無醫生或者藥劑師指示下藥石亂投，而且坊間所謂嘅草藥成份好多時都混雜左西藥成份。
非常早期嘅懷孕其實無咩特別徵狀，而且就算有都同月經前或者其他身體不適相似。所以只要係錯過左經期，就可以去買驗孕棒做測試。坊間可以買到的準確度都好高，無需特別考慮牌子嘅問題。如果驗左係陰性，可以隔多個星期再驗多次，兩次都陰性的話有左機會微乎其微。
不停地回帶去諗安全套有無問題係會好影響心情架呢，明白你好想確保唔係做唔足安全措施，但我諗都係放開佢暫時唔好重溫再重溫會好啲。
1個讚