陰莖真係好奇妙

最近同男朋友互相探索緊

原來男仔勃起之後再主動變硬啲會變得敏感咗?

我唔知應該點形容,類似勃起之後做凱格爾運動?即係好似多咗血入陰莖咁,角度變咗少少,肉眼見到嘅
亦都硬咗少少,手同陰道都feel到

男朋友就話類似陰莖射精收縮嗰陣

即係做Kegel收縮放鬆,陰莖就會彈下彈下咁,好得意 :slightly_smiling_face:

我唔知個mechanism/principle係點啦,唔知係多啲血走咗入去定係鎖住咗更加多血係入面/減慢血液流出

感覺係正嘅,係舒服嘅,尤其插入嘅時候,但真係快咗射

其實係點解?
係個動作令陰莖敏感咗?多啲血喺入面

定係做呢個動作令到多咗專注力喺陰莖嗰度?我會咁諗係因為佢之前試過分散注意力,結果持久力真係好咗,我高潮咗幾次佢都仲未射

我唔知大家明唔明我講緊咩啦,可能男仔會易明啲 啩

其實我一個女仔問埋晒呢啲嘢會唔會好奇怪?

我又問得唔清唔楚,唔知解唔解答到我 :bowing_woman:t2:

Thank you

Hello 首先想講,你問呢啲嘢一啲都唔奇怪啊,仲好欣賞你會同男朋友咁認真咁互相探索,同好欣賞你唔了解就問。無論咩性別都好,都可以對性有好奇,而且性知識都係好重要嘅,當有唔明白唔清楚去了解返係好正常嘅事。

之後答返你其他問題。凱格爾運動係一個訓練骨盤底肌肉嘅運動,可以用來提升持久力嘅。佢係透過收縮會陰肌肉、收緊尿道口、肛門肌肉,向上提肛方式,去強化骨盆底肌肉、尿道括約肌、陰道及肛門肌肉。你男朋友當時可能就係刻意集中精神,用力收緊咗骨盆底肌肉或者係陰莖嘅肌肉,令到陰莖個part嘅肌肉變得更加硬。但同時可能因為佢更加集中咗精神係陰莖嘅位置,會因為咁而變得更加敏感,更加容易受到刺激所影響,所以會容易啲射。而當你話佢分散左注意力之後,就變得持久左,都可能係因為佢冇將注意力都放哂去陰莖上,所以冇咁敏感,所以可以接受刺激耐啲。

當然,其實生活習慣、作息習慣、體力等等呢啲好多都會影響到陰莖嘅硬度同持久度嘅,所以都未必次次性行為都有相同嘅表現,咁樣都係好正常。其實本身陰莖勃起,係神經系統、血液循環系統、陰莖組織互相配合,當受到一啲刺激,不論係咪同性有關都好,都會有機會充血膨脹,從而勃起,當刺激去到一定程度嘅話就會射精。如果想持久啲,可以日常都做下凱格爾運動,去訓練下相關嘅肌肉。

希望都可以解答到你嘅問題。