急!!想知道有冇事

今日買咗兩支驗孕棒,一支係clearblue電子驗孕棒,另一支係clearblue即知驗孕棒,電子驗孕棒顯示係”not pregnant”,即知驗孕棒只係一條微微嘅橫線,咁請問係咪已經冇事?

即知驗孕棒個質控窗冇線

左手邊嗰條線,屙完尿之後1分鐘之後就出現,但係質控窗仍然都係冇變化

麻煩職員可唔可以盡快回覆🥹🥹
真係少擔心:pray::pray:

喺另一個post 請問係咪隱約見到兩條線?都回覆咗你架啦,係冇事啊,其實如果多過一個驗孕棒都驗到係陰性同not pregnant,都可以肯定係冇懷孕架啦。

而其實唔同牌子驗孕棒有結果嘅時間都會有唔同,你最好都跟返有關說明書上面所講去睇,因為有機會係佢哋嘅製作上有分別,但其實佢地原理上都係一樣,都係透過尿液測緊hCG嘅水平。而hCG係當受精卵著床而分泌嘅一種荷爾蒙,如果驗到有hCG嘅話就會有兩條線陽性,冇就一條線陰性。所以其實你驗到兩次唔同驗孕棒都陰性就真係準確。當然如果你都係唔相信嘅話,你可以選擇考慮去家計會或者診所要求驗孕。

最後都希望你地會認真睇返之前有關安全措施嘅回覆,認真考慮吓,下次進行性行為嘅時候做返安全措施,例如全程帶返安全套,咁就唔洗好似而家咁慌張。同埋下次進行性行為嘅時候,都考慮清楚自己身心係咪都準備好。