同男朋友生活唔協調

性生活好協調 :rofl:
而係日常生活唔協調
就例如鬧鐘呢個問題,我哋都唔想影響到大家,但又唔想分開瞓(方便sex :see_no_evil: 講笑 係因為想攬住瞓,佢攬我又好,我攬佢都好)
其實係咪冇乜辦法可以解決?唯有唔用鬧鐘?或者一齊起身

我平時會同佢一齊打機,一齊做運動,仲會一齊睇波添,我哋而家連足球戰術都可以講一餐 :joy_cat:
其實佢真係對我好好,又會煮嘢畀我食,又肯陪我行街,我話今餐我請 佢次次都話唔使
我哋仲會互相幫對方打扮 :joy:
最難得嘅係,咁我係女仔嚟㗎嘛,每個月都有幾日唔舒服,佢真係好畀心機去照顧我
有一次我真係好痛,連路都幾乎行唔到,unfortunately咁啱冇晒pad,佢竟然二話不說幫我去買,仲買定止痛藥

所以我哋唔想俾鬧鐘呢個問題影響到,但又諗唔到應該點樣做

Hello 多謝你信任我地分享你同男朋友嘅相處經歷:sparkling_heart:
好開心見到你地都會互相支持同陪伴對方,一齊經營呢段親密關係:heart_eyes:

明白有時生活習慣上面嘅一啲分別可能需要磨合,更加需要嘅係溝通同共識。因為呢啲嘢冇標準答案,只有適唔適合你地兩個人。

可能你地可以就住鬧鐘呢樣嘢傾下,睇下點樣嘅相處模式係最適合你地嘅~
例如如果係其中一方第二日有嘢做需要準時起身嘅,咁就當然需要set鬧鐘,如果另一方驚被嘈醒嘅,可能就嗰晚分開瞓?而假期或者邊日大家都唔需要特定時間起身嘅,就唔好set鬧鐘,一齊瞓到自然醒。又或者傾下有冇啲咩鬧鐘鈴聲/震動模式係會令你地都鍾意嘅?

可能經過一啲溝通同嘗試之後,你地就會搵到令大家都舒服嘅方法啦~:wink:

有咩問題歡迎隨時再搵我地呀:smiling_face_with_three_hearts: