[避孕藥]應唔應該停🥲

8月中第一次食避孕藥,揀左Mercilon,心口漲同埋痛,仲要9月個次period勁痛 痛到入急症,所以之後2個月都沒再食。

啱啱11月中嚟period再試吓第二隻牌子(之前有醫生推薦我食,今次揀左Yaz), 但係副作用超犀利:nauseated_face: 個肚漲到成個氣球咁超辛苦,而家食緊第五日,好糾結應唔應該停藥,一嚟好驚食下停下對身體唔好,二嚟上網睇話多數副作用食2-3個月就ok​:face_with_spiral_eyes:

究竟停唔停藥好?同埋下個月再食嘅話係咪應該轉返 mercilon 好啲?:face_holding_back_tears::pray:t2:

你好啊,想問翻你食藥之前有無見醫生做評估同檢查,定係自己買嚟食?我地都建議喺食藥之前都揾醫生評估同檢查咗先,因為每隻藥嘅成份都有唔同,䧳激素同埋荷爾蒙劑量都唔同,所以最好由醫生決定你適合食邊款。見到你對於避孕藥副作用反應較大,其實喺服用初期有副作用係正常嘅,例如頭疼,嘔心,乳房腫脹,情緒起伏等,一般喺幾個星期內消失,不過你上一款避孕藥嘅副作用咁大,都唔建議再食翻。見到你今次都係食到第五日,所以可以食耐啲,直到下星期,睇下情況有無改善,如果真係好唔舒服,就需要睇醫生同埋停藥。如果避孕藥真係未必咁適合你嘅話,仲有其他非荷爾蒙類型嘅避孕方法,例如子宮環等。

上次食完mercilon好M痛有睇醫生,佢建議我試Yaz,所以我隔左一個月之後宜家試緊,到今日食緊第7日,都仲係好漲好作嘔:frowning:

宜家停藥嘅話會唔會好傷身體?

同埋距離上次經期咁短時間,停藥之後會唔會唔出血?又應該隔幾耐先再試第二隻牌子呢?

其實有打過去家計會問,想預約醫生商量,但係佢地話我宜家已經食緊 應該等下次經期先再打去預約睇下食邊隻牌子,宜家就自行衡量應唔應該停藥:woman_facepalming:t2: 我點衡量…

Hello 因為你依加食咗yaz一個星期,都可以食多一個星期,睇下有無好啲,如果情況無減輕到,就需要睇醫生同埋停藥。你講得啱啊,停藥有可能後會岀血嘅,流啡(即係撤退性出血)都係食避孕藥一個常見嘅副作用嚟,因為避孕藥係高劑量嘅荷爾蒙藥物,抑制卵巢排卵,所以會令經期變短,有機會出現不規則陰道出血。 明白你依加都好唔舒服,唔知停唔停藥好,如果等唔切下一次經期去家計會嘅,都可以睇私家醫生,等醫生幫你檢查下你嘅身體狀況係咪適合食藥,同埋適合邊一款避孕藥。