驚有左bb點算

我上一次黎m第一日係23/10 黎到29/10
但係其實不嬲都唔準 有時skip 1-2個月 又成日夜訓 壓力好大

之後31/10同男朋友有用手指 佢幫我 我用手幫返佢咁 冇直接插入過 但有係岀面磨擦下 冇用套 佢射落我肚上面 用紙巾清理完之後就冇再掂過下面啲位 但係我又唔肯定啲前列腺液有冇掂到下面。。。

之後11月5有再用手指一次 不過今次冇射到 唔肯定嘅同上面一樣

11月12 有隔住底褲 冇直掂掂到 但間唔中有用手指

之後我白帶有突然變黄 我就去睇婦科 順便照埋子宮 冇咩特別 冇細菌感染 冇懷孕 醫生比左消炎藥 到今日(27/11)都有keep住食

11月19 因為男朋友知我驚 所以今次有用安全套 試過入 但我好痛所以入唔到 佢係安全套入面射 之後直接沖涼

我22號同26號都有用clear blue早知驗孕棒驗 都冇懷孕 但我仲未黎m…好驚:smiling_face_with_tear::cry::sob:

同埋由星期二開始成日覺得頭暈,同埋有啲嘔心。。。唔知係焗親定係其他。。。。

Hello~多謝你嘅提問:heartpulse:用手指同埋隔住衣服磨擦都係唔會導致懷孕嘅,因為只有喺精子同卵子結合成受精卵後,且到達咗子宮腔先會成功懷孕。而如果冇插入,或性器官之間冇直接接觸,基本上精子係冇可能進入陰道嘅。而一般精子喺體外存活的時間非常短,大約喺15~30分鐘左右,喺衣服上面就更短,大約只有幾分鐘。一旦精子暴露喺空氣中,壽命就更短,而溫度越高存活時間越短,最終脫水而死,歸於虛無。加上你男朋友射嘅位置偏高,又有即時用紙巾清潔,所以喺沒有內射精嘅情況下,懷孕機率係唔高的,唔需要擔心:heart:

當然,如果你男朋友將手指伸入你陰道之前有掂過自己嘅性器官,將未乾嘅尿道球腺分泌(內含少量精子)/精液帶入陰道,咁就有機會懷孕。不過,呢個機率係好低嘅,唔需要過分擔心:relieved:而你最後一次冇使用任何安全措施嘅性接觸喺11月12號,距離你驗孕嘅時間隔咗14日,個結果好肯定係準確嘅,即係你冇懷孕,可以安心等m到。你都可以用app紀錄低你最近呢幾個月嘅月經周期,可以幫你更好咁推測幾時會嚟m。因為10月29到今日11月27中間隔咗28日,屬於正常月經周期,而月經周期係因人而異嘅,隔21-35日都係有可能嘅,所以就算你未嚟m都係正常嘅。

另外,女性喺排卵期嘅時候分泌物會變多,如果分泌物呈透明偏奶白色,帶有黏性,好似蛋白嘅狀態,但冇異味,咁就係正常嘅。但假如分泌物嘅顏色為黃色、綠色、帶血、呈豆腐渣狀,而且量變多,並且出現異味同埋痕癢,有可能係因為冇妥善清潔性器官所造成嘅發炎,或者係其他性器官疾病嘅感染,如果有嘅話就要盡快睇醫生啦!

至於月經遲嚟嘅原因有好多,而壓力係其中一樣,所以你最近情緒唔好,同埋夜瞓都有機會導致遲黎m。因為人大腦嘅下視丘係負責調節身體激素嘅,且好容易受到情緒壓力影響。而壓力太大會令下視丘功能異常,選擇關閉相對於生存而言,較為非必要的生育功能。所以有啲人一遇上壓力事件,經期就會遲遲都未嚟。而咁樣都不失為一個警號,表示身體已經冇辦法負擔呢啲壓力,要俾自己好好休息:woman_in_lotus_position:t2:

多謝你咁詳細嘅回覆呀!不過我唔係好記得19號個過程 但肯定佢射嗰陣係射入個套嘅

如果佢冇掂佢下面 只係入我度 應該唔會有事?
同埋用套之前吹下黎分岀入又係咪啱呢?
Thanks!

如果對冇掂過佢嘅性器官,淨係入你度,咁係唔會導致懷孕嘅:relaxed:而用套之前吹下黎分正反面都係正確嘅,最主要係確保安全套嘅外面冇被污染,咁就唔驚有精子入咗陰道,而增加懷孕風險啦!

1個讚

App 預計25-26/11黎m 嘅
咁如果推返上去19/11最後一次性行為 (20/11凌晨)
26號驗嗰次冇事應該都代表冇事?

因為見到你嗰次有使用安全套,同埋冇插入到陰道,所有懷孕嘅機率係幾乎零嘅。不過如果真係好擔心,可以喺性行為之後嘅7-11日用驗孕棒進行驗孕,到時會有初步結果(26號嗰次驗孕,因為只係隔咗六日,所以如果係針對19號嗰次性行為,個結果嘅可信度就不足)。而喺性行為之後嘅14日,或者月經遲咗7日以上再驗孕嘅話,個結果就最準確啦!

佢有嘗試入 但係可能入少少我就話痛 之後就跣返岀黎咁。。。

因為個次性行為都有用到安全套,只要你嘅伴侶當時全程都係有正確咁用到安全套,而個安全套又冇破損嘅話,其實懷孕機會都好低。你可以係個次性行為嘅11日之後再驗多次孕,即係11月30日,個次嘅結果就會比你之前嘅驗孕結果準確好多架啦。因為其實驗孕棒係驗緊身體入面嘅hCG水平,而hCG係卵子受精著床之後身體產生嘅一種荷爾蒙。咁如果真係有卵子受精嘅話,11日之後都已經基本上一定著床,所以係11日之後驗孕基本上都會得到相對比較準確嘅結果架啦。

1個讚

啱啱引唔住去驗 用電子嗰隻
陰性
係咪都夠準確?:see_no_evil::face_holding_back_tears::face_holding_back_tears:

如果你覺得自己驗孕都唔放心嘅,可以考慮去診所由醫護人員幫你驗孕

我純粹係因為今日係第10日。。。想問下有冇參考價值。。。。:see_no_evil::see_no_evil::see_no_evil:

如果係第10日驗孕嘅話,個結果係有參考價值嘅,雖然未係最準確,但係基本上可以確定冇懷孕。如果想要最準確嘅結果嘅話,可以等到第14日再驗多次,咁到時個結果就最準確。

我今日再驗 係陰性 可以放心少少!
不過今晚好似開始黎m 但得好少好少 比平時嘅第一日少。。。。
會唔會係咩著床岀血嫁。。。係咪擔心得太多

因為你今日驗孕嘅結果係陰性,所以可以確定冇懷孕,唔使咁擔心:hugs:至於著床性出血只會會維持幾個鐘至兩日嘅時間,所以如果你擔心真係著床性出血嘅話,可以留意吓兩日後仲有冇出血。如果有持續出血嘅話,咁就係月經。而短暫嘅出血都有好多原因,可能係排卵期出血,或者因為性行為嘅時候太激烈,令到陰道有傷口,導致出血,所以真係唔使咁擔心㗎!:heart: