事前可唔可以加事後?

食開 優悅事前避孕藥,食左三個幾月無停過,今次嗰一排食到淨返4粒粉紅色就食完,suppose再過7日就會黎m :melting_face:

但今日發生性行為嗰時,個安全套甩左係陰道裡面,個套裡面仲有精液,我覺得個陰道口都有少少精液,所以即刻去左睇醫生希望佢開啲事後避孕藥比我,但佢話我食緊事前唔洗再食事後,唔開比我,佢話兩隻一齊食濟量高,有血管塞嘅風險

我應唔應該睇多個醫生,究竟事前同事後避孕藥,可能可以一齊食? 我好驚有bb :sob:

Hello 明白你都可能擔心自己會有懷孕嘅風險,但你嘅情況其實懷孕風險係極低嘅,所以都唔使太過擔心。

因為本身其實你都食咗三個幾月事前避孕藥,而且中間又冇停過,只要你一直有按時咁服用,而且又冇食完之後短期內嘔吐過,基本上你身體已經好好咁建立咗避孕藥嘅避孕效果。當然,如果你冇食避孕藥嘅話,甩咗安全套呢個情況係的確係有一定懷孕風險。但因為你已經有咗食事前避孕藥幾個月,所以就唔需要特別擔心,都冇必要專登再去食事後避孕藥。

而其實不論係事前定係事後避孕藥都好,其實佢都係一啲人造荷爾蒙藥物。佢嘅原理係透過吸收人造荷爾蒙入身體,從而抑制排卵同埋增加子宮頸分泌物嘅粘稠度,同改變子宮內膜嘅環境,從而避免懷孕。而事後避孕藥作為緊急避孕措施,係比事前避孕藥含有更高劑量嘅人造荷爾蒙,所以本身就唔建議作為恆常嘅避孕措施。除非係出現咗一啲比較特殊嘅情況,例如漏咗食事前避孕藥、或者懷疑自己冇正確咁吸收到避孕藥,如果唔係都冇必要食完事前避孕藥之後再食事後避孕藥。都好欣賞你會去睇醫生諮詢意見,而其實事後避孕藥都有分兩款,分別係性行為後72小時同120小時後食,詳細可以留意番家計會嘅網站:家計會 - 緊急避孕
如果下次出現咗一啲你懷疑事前避孕藥失效嘅情況,你都可以如實同返醫生講,相信都可以為你作出適當嘅建議。

最後,你提到發生性行為途中甩咗安全套,有機會係因為選購嘅安全套size唔啱,或者冇正確咁用到安全套。你同你嘅伴侶都可以留意選擇返適用嘅安全套,或者可以留意返呢個簡短嘅IG post,係講點樣正確咁帶安全套嘅: 《Stickypedia系列-安全性行為:第一寶》

1個讚

Hello
唔該晒你 好詳盡答我:sneezing_face:
唔知係咪太擔心,今日成日都有d嘔心同小yim隱隱作痛:face_holding_back_tears:
諗住3日 後同7日後再用驗孕棒test下:cold_face:

驗孕方面,性行為7日後會有初步結果,11日後會有相對準確嘅結果。性行為3日後並唔會得到可靠嘅結果。

有時壓力太大都會出現作嘔或者腹部不適嘅情況,嘗試放鬆下心情,做下鍾意嘅嘢啦~