咁樣嘅話會唔會有bb

想問下如果兩個人互摷,個女仔摸完男仔底褲上面嘅液體,再摸自己下面,咁會唔會有BB

Hello

你嘅呢個情況懷孕風險係極低嘅。首先講下,你提到嘅男仔底褲上面嘅液體,應該係男性陰莖興奮狀態時會自然分泌嘅分泌物,尿道球腺液(pre-cum)。佢本身的確係有機會帶有少量嘅精子,但精子其實離開咗體外之後,暴露咗喺空氣中,其實好快就會死亡。如果尿道球腺液係係衣物之上,基本上都已經係衣物到揮發咗,而精子係必須要有尿道球腺液或者精液提供養分俾佢先能夠生存或者移動。除非係尿道球腺液或者精子同陰道之間有直接接觸,如果唔係,你只係摸過底褲上嘅尿道球腺液,即使本身有精子,佢都冇辦法存活得到,而你地之間又無性器官直接接觸,都唔需要擔心會有懷孕風險。

而如果未來你地之間係有性器官直接接觸嘅話,或者有機會會出現尿道球腺液或者精子同陰道之間有直接接觸,而你地又未有生育打算嘅話,就建議做返安全措施,例如用返安全套。如果你有興趣,都可以留意下呢個簡短嘅IG post,係講點樣正確咁帶安全套嘅: 《Stickypedia系列-安全性行為:第一寶》

咁為咗安全,使唔使食定事後丸:eyes:

因為都隔左兩日

你嘅情況懷孕風險極低,不過如果你覺得食事後藥可以令你安心啲嘅,可以喺性行為72小時/120小時內睇醫生食事後藥。因為喺香港事後藥係處方藥物,有需要可以預約家計會診所/母嬰健康院/部分私家診所睇醫生食藥。

除咗即使唔係發生陰道陰莖插入式性行為都使用安全套之外,如果你身心未準備好,都可以同伴侶商量唔好發生任何性接觸住。