曾經喺網上見到一啲講法話龜頭如果被長期覆蓋，當露出嘅時候就會好敏感
咁我之前個post都講過男朋友係包皮過長啦，雖然佢冇勃起嘅時候都會拉低包皮，但始終陰莖未變長，所以包皮有時都係會上返去
咁我就好好奇喇，因為包皮係有彈性㗎嘛，咁就算用人手拉咗落去，咁當陰莖喺陰道出出入入嘅時候，包皮唔係一樣會跟住不停上上落落咩？尤其是潤滑充足嗰陣，包皮同龜頭之間嘅磨擦力低咗，包皮都係有機會會跣返上去
即係即使勃起，都唔代表性行為嘅時候 龜頭係一直同陰道有直接接觸？因為唔一定keep住露出
但我又諗到另一個情況，如果用咗condom呢？（我本身亦都已經有食藥）
我想像到嘅係，condom會包到陰莖好實（AV望落好似係），咁包皮咪冇咁易上返去囉
但又唔係喎，冇理由condom冇lube㗎嘛，想痛死佢咩
咁咪即係又有機會比包皮移動
好複雜 
唔知啊
我想問嘅係，如果係咁嘅話，咁當我用手幫佢又或者佢自己自慰嘅時候，若果想鍛鍊陰莖（意思係模擬性行為，提升承受刺激嘅能力）
咁係應該由得包皮跟住個movement上落
定係一隻手握住陰莖（固定包皮，令龜頭唔會再被覆蓋，可以一直露出），另一隻手做活塞運動（咁樣就即係一直都直接刺激到龜頭）
簡單嚟講，我係想知
性行為嘅時候，包皮其實能唔能夠一直stay喺冠狀溝下面？ 要視乎係咪用咗condom？
如果唔會嘅話，咁即係用手嘅時候就應該simulate返，由得包皮郁
同埋係咪有一樣嘢叫包皮復阻環？
用呢個就肯定唔使煩 可以make sure包皮永遠係喺固定位置
但呢個係咪同陰莖環一樣唔可以用太耐？會影響血液循環
Sorry for 1999
Hello 多謝你嘅提問
其實平常未勃起嘅時候，龜頭會比包皮包住係非常正常嘅事嚟㗎，因為包皮本身就係要保護陰莖同埋龜頭，防止細菌進入。係咪包莖，包皮係咪過長，係睇佢勃起咗之後嘅，而唔係計佢平常嘅狀態。除非係完全勃起咗之後，龜頭都冇辦法露出，先至係包皮過長。而你男朋友係未勃起時就已經可以拉低包皮，所以你男朋友其實絕對唔係包皮過長，甚至可以話係非常健康。
至於喺進行性行為嘅時候，包皮上上落落咁都係好正常嘅事。其實唔同人嘅包皮都可能有唔同，有啲可能比較長，有啲可能比較短，有啲可能比較鬆，有啲可能比較緊，所以有啲人嘅陰莖勃起咗之後，包皮可以keep住留喺冠狀溝下面，一直完全露出龜頭。但其實都有好多人，即使係陰莖勃起咗之後，當進行性行為嘅時候，包括可能自慰或者插入式性行為嘅時候，包皮都係會喺冠狀溝同龜頭之間嘅位置上上落落。而呢個都係一件非常正常嘅事情，唔係有咩問題，亦都唔算係包皮過長。所以都唔需要亦唔好強行將包皮拉落去冠狀溝下面，要將包皮一直Stay喺冠狀溝下面，因為去到某個位應該就會feel到有阻力，如果再夾硬拉落去嘅話，就會有痛楚。所以當你同你男朋友手交嘅時候，或者你男朋友自慰嘅時候，都係由得包皮郁就可以，唔需要刻意為此而去固定包皮喺某個位置。
呢度都補充番，大部分condom打開包裝之後都係會有啲潤滑劑lube喺入面嘅，再加上其實condom本身有彈性，只要啱size嘅話，都唔洗好擔心會覺得痛。而condom嘅size就最好揀番個合適嘅，如果係包得太過實太過緊，令到會有唔舒服有痛楚嘅感覺，就可能係size唔啱，咁就可能要揀返一個啱size嘅。當然如果condom太鬆嘅話都唔得，如果唔係有可能包唔實陰莖，令到啲精液會流返晒出嚟。咁用condom都的確可以比較好咁固定包皮，如果你男朋友勃起咗之後都係需要人手抆包皮先可以抆到落冠狀溝下面，用condom的確可以令包皮keep住係冠狀溝下面。
同埋AV其實係一場演出，好多時都係有好多誇大咗嘅成份係入面，例如可能會講到啲性行為可以持續幾個鐘、連續射精高潮好多次、或者不論男女演員嘅性器官都好大等等，其實都透過後期剪接，或者未必係一啲日常普遍會有嘅情況，所以都唔可以盡信入面嘅一切。
回應返你嘅主旨，的確龜頭如果長期比包皮覆蓋，當露出嘅時候就會比較敏感。因為龜頭本身就係整個陰莖最敏感嘅部份，結構上其實就係對應返女性嘅陰蒂，兩者都有大量嘅神經末梢，所以有啲人進行性行為嘅時候可能都會故意刺激龜頭，從而達致高潮。如果你同你男朋友都想降低龜頭嘅敏感度嘅話，其實都有一啲方法嘅。但你提到嘅包皮復阻環，其實同陰莖環原理雖然係相似，但係唔係一樣嘅嘢，作用都唔同。而包皮復阻環通常都比一啲真係有包莖嘅人使用，你男朋友嘅情況其實都唔需要用到呢樣嘢。你男朋友可以選擇着一啲比較寬鬆嘅內褲，或者間唔中將包皮翻開，等龜頭同衣物之間多啲自然接觸，從而慢慢降低龜頭嘅敏感度；或者每日沖涼嘅時候都翻開包皮，用熱水清洗龜頭，清洗完之後再拎暖毛巾包住龜頭輕輕按壓幾下，等龜頭對外界嘅溫度適應力增加。
另外呢度都可以提供一啲增強陰莖持久力嘅訓練方法俾你。咁上次都有提過凱格爾運動，就係收緊尿道口、收陰肌肉，向上提肛，從而強化骨盆底肌肉。咁呢度再介紹多兩個方法俾你。第一個係斷續刺激方法，就係刺激陰莖，直至感覺到即將射精為止。然後暫停刺激30秒。當射精意慾減退再度刺激陰莖。如是者重複多次，直至期望射精時，便持續刺激陰莖，直至達成射精。擠捏治療法，係陰莖變得堅硬挺直時，輕輕擠捏陰莖頭數秒，在暫停性刺激約30秒後，再次刺激陰莖。如是者重複多次，直至期望射精時，便持續刺激陰莖，直至達成射精。但記住，佢係喺感覺即將射精嘅時候停止刺激，而唔係精液已經要排出嘅時候，用唔同嘅方法阻止，如果唔係就會造成精液倒流嘅情況，有機會導致尿道、膀胱、前列腺發炎。
希望呢度都可以幫到你
不過見你都問咗好幾次有關男朋友包皮嘅問題，會係因為覺得包皮好麻煩？定係有咩其他原因呢？
唔係啊
唔麻煩
我可能仲麻煩 
不停問
純粹係好奇 覺得異性身體好奇妙
1個讚
咦，但睇返你之前畀我嗰幅圖，就算佢勃起之後如果唔用手拉，都唔係話可以完全露出龜頭，咁其實算邊種？定係冇一個exactly嘅答案話一個人嘅包皮係正常定過長？總之清潔到，唔影響生活就得？
同埋我仲想問 
原來斷續刺激唔係咁容易？
因為當暫停刺激之後，佢已經開始變軟，要重新勃起嘅話唔係變相又加大咗個刺激強度咩？所以唔係好知應該要點做
Oh 撳錯咗個emoji㖭
應該係呢個
我頭先撳咗下一行嗰個心心
少少尷尬
對於包皮過長嘅問題啦，咁如果陰莖勃起之後包皮仍係包住龜頭，或者勃起嘅時侯拉低包皮係唔可以完全露出龜頭，係卡住咗嘅話，咁就係包皮過長。如果佢覺得冇造成任何不便，佢可以選擇唔做手術割包皮，但如果佢覺得係唔方便或者難清潔，有積埋污垢嘅問題，咁佢都可以選擇去割包皮嘅，以免日後有細菌感染嘅情況。
另外關於斷續刺激，咁其實呢個係需要練習ga，如果男朋友暫停刺激之後就變軟，咁可能係停得太耐，你可以調節一下暫停時間，由5-10秒開始試吓，然後再調節時間。因為佢要感覺佢性興奮臨近最高點之前就暫停刺激，而暫停後覺得性興奮完全降落嚟之前就再次開始刺激，去練習斷續刺激。
而呢個感覺你可以同男朋友傾下佢嘅感覺，睇下可以點樣去幫佢練習，或者係佢自己練習，去拿捏嗰個感覺。方法就可以睇返上一個論壇嘅第6段嘅答覆。
呢到refer 返～
第一個係斷續刺激方法，就係刺激陰莖，直至感覺到即將射精為止。然後暫停刺激30秒。當射精意慾減退再度刺激陰莖。如是者重複多次，直至期望射精時，便持續刺激陰莖，直至達成射精。擠捏治療法，係陰莖變得堅硬挺直時，輕輕擠捏陰莖頭數秒，在暫停性刺激約30秒後，再次刺激陰莖。如是者重複多次，直至期望射精時，便持續刺激陰莖，直至達成射精。但記住，佢係喺感覺即將射精嘅時候停止刺激，而唔係精液已經要排出嘅時候，用唔同嘅方法阻止，如果唔係就會造成精液倒流嘅情況，有機會導致尿道、膀胱、前列腺發炎。
而就算暫停刺激時間較長，都唔會長過1-2分鐘，同埋一般性行為平均時間大約都係19分鐘，10分鐘前戲，9分鐘插入式性行為。所以唔好expect會好似AV咁會停好耐，因為情節畢竟會有誇大到，所以唔好盡信吖～
希望呢啲資訊幫到你啦！
暫停刺激之後就變軟，咁可能係停得太耐，由5-10秒開始試吓
要感覺佢性興奮臨近最高點之前就暫停刺激
而暫停後覺得性興奮完全降落嚟之前就再次開始刺激
佢話就係呢度有問題，佢幾次自慰都係同一個經歷
如果係暫停5-10秒，咁當再刺激嘅時候，其實根本會喺5-10秒以內就已經去返最高點（即係刺激嘅時間短過暫停嘅時間，）咁呢個時候又暫停啦，但停得耐又唔得喎，不過如果好快就開始返刺激嘅話就只會更加快上返最高點
其實會唔會係大腦太敏感/興奮 所以先至導致有呢個情況？
刺激陰莖，直至感覺到即將射精為止
然後暫停刺激
當射精意慾減退再度刺激陰莖
如是者重複多次，直至期望射精時，便持續刺激陰莖，直至達成射精
正如上面咁講啦，冇錯刺激係斷續，中斷 繼續，但射精意慾並冇下降，甚至有一次我幫佢嘅時候試過試過 刺激之後暫停，佢喺暫停嘅時候射咗，定應該話流呢 
總之就係有釋放出精液啦，但佢話冇高潮嗰種好舒服 de-stress嘅感覺，咁即係有射精而冇高潮？
所以都有啲困擾
暫停太耐又會軟
但唔夠耐又會好快就上返最高點
根本都未期望射精，所以都未享受到持續刺激陰莖嗰種感覺，但係就已經達成射精
可能真係要用好多時間先至拿捏到嗰個感覺
有射精而冇高潮嗰度，最近上網查過，叫做ruined orgasm？
同平時高潮伴隨射精唔同嘅係 射精嘅力量細咗，所以我會話係流出嚟
但最大嘅分別係，平時射完精佢幾乎係即刻軟，如果繼續刺激嘅話係超敏感
但ruined orgasm嘅話係會繼續keep住勃起，甚至ruin多次，琴日試過，又係喺佢想射之前放手，都係會再一次流出嚟
當然如果持續刺激嘅話最後都係會好似正式射精咁，射好遠，之後勃起好快就消退
其實ruined orgasm屬唔屬於SM？對身體又有冇唔好嘅影響？
你所提及的Ruined-Orgasm，是當男性差不多到達射精既時候，突然減少甚至停止任何刺激和接觸，男性既快感會下，而陰莖會不自然跳動，精液會緩慢地流出，這亦會係BDSM既其中一種方式。而Ruined-Orgasm相對其他BDSM行為風險係較小，但陰囊有可能會因為射精虐待而感到輕微的疼痛或壓力。順帶一提，進行SM時最重要係要同伴侶有共識，同埋雙方同意既情況下進行，如果缺乏共識就未必符合S M嘅定義。其實每一個人對於SM嘅定義都會有機會不同，對於某啲人來講，Ruined-Orgasm可能只是增加情趣既一些刺激方法，或者係一些習慣喜好。面對任何喜好或者性習慣，大家都應該同伴侶有多啲溝通，互相了解一下雙方嘅喜好，才能互相尊重同配合。
不過有一樣值得注意既係射精唔一定每次係強而有力，射精力度和性快感有密切關係，而且與年齡因素、性行為頻密程度有關，有些男性性行為過度都會出現流精情況，所以流精不一定係Ruined-Orgasm。要知道陰莖勃起既原理係因為受刺激而令血液流入海棉體，當海綿體充血膨脹，陰莖就會變硬和勃起，當達致性高潮時就會射精。所以當陰莖勃起時，當外來剌激有改變或減弱，都會影響高潮既來臨同射精情況，甚至陰莖變軟。
排除Ruined-Orgasm，如果經常出現流精既情況係可以試吓練習凱格爾運動。凱格爾運動（Kegel exercise）係不斷收縮骨盤底肌嘅運動，因為骨盤底肌同陰莖其他嘅器官都有關聯，當訓練骨盤底肌就會可以容易啲控制自己肌肉嘅收縮，咁就可以控制射精嘅時間啦。首先要搵到骨盤底肌係邊度先，你可以建議男朋友試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果個收緊骨盤底肌嘅感覺，然後就可以試下每日3次，每次10下，每下都夾緊3秒放鬆5秒。因為凱格爾運動係訓練身體裡面肌肉嘅運動嚟，所以要持之以恆先會見到效果，但如男朋友練習時記得要循序漸進，可慢慢適應，就好似做其他運動咁不能一開始就太過進取。當身體覺得唔舒服就要作出相應嘅調整，減少訓練嘅強度／暫停練習，以免傷害到身體。不過建議記得要同男朋友好好溝通睇下佢既意願，如果佢唔想試就唔好強逼呀！
其實冇特登諗過要咁做，只不過練習斷續刺激嘅時候出現咗流精呢個情況
年齡嘅話其實佢只係20歲
性行為亦都唔算好頻密
可能係停止刺激嘅時間拿捏得唔好啦
你提到流精呢個情況，可能係想進行斷續刺激訓練，但唔小心變咗Ruined-Orgasm。但發生呢個情況嘅因素都有唔少，我哋都好難就咁就斷定咗係呢個原因，就好似上面嗰啲同事講咁：
不過有一樣值得注意既係射精唔一定每次係強而有力，射精力度和性快感有密切關係，而且與年齡因素、性行為頻密程度有關，有些男性性行為過度都會出現流精情況，所以流精不一定係Ruined-Orgasm。要知道陰莖勃起既原理係因為受刺激而令血液流入海棉體，當海綿體充血膨脹，陰莖就會變硬和勃起，當達致性高潮時就會射精。所以當陰莖勃起時，當外來剌激有改變或減弱，都會影響高潮既來臨同射精情況，甚至陰莖變軟。
其實每個人嘅起步點都唔同，呢啲其實係冇得急嘅，就好似上面嗰位同事講咁：
因為凱格爾運動係訓練身體裡面肌肉嘅運動嚟，所以要持之以恆先會見到效果，但如男朋友練習時記得要循序漸進，可慢慢適應，就好似做其他運動咁不能一開始就太過進取。當身體覺得唔舒服就要作出相應嘅調整，減少訓練嘅強度／暫停練習，以免傷害到身體。
不過都要記住，其實冇一個叫「完美性行為」嘅東西，都唔係話愈耐射精就代表愈好，所以都唔需要刻意勉強追求。
最後想問一問，其實你會唔會有啲咩特別嘅憂慮？或者你哋之間嘅性行為有冇話係會想追求啲咩？咁我地可能可以更加好咁幫到你地。
唔該你啊ʕ•ﻌ•ʔ
其實都冇咩特別嘅憂慮，唔會話要追求射精效率/好似AV咁越耐越好
我哋之間嘅性行為係會想追求質量，數量唔重要，所以唔使好頻密都okay
不過我哋都明白，唔係話雙方都有高潮 咁就絕對等於質量好嘅性行為
最緊要嘅係過程係咪有享受到
如果下下都要諗住令對方高潮，咁咪大家都有壓力囉
雖然最後唔射精嘅話佢係有機會出現blue balls，會有少少唔舒服/痛
跟住原來女仔都有blue vulva/pink pelvis？
但始終最緊要嘅係過程有投入，如果為咗滿足對方而扮高潮/享受，其實冇意思
反而應該引導佢，我男朋友真係會，佢會直接同我講佢想我點做，我就怕醜啲，唔開口，而係用動作，例如當佢隻手唔係好啱位嘅時候，我會捉住佢隻手 擺返喺我當時覺得舒服嘅位置
講真，我哋用最多時間嘅係foreplay同afterplay，當然唔係話penetration唔重要/可以無視，但點講好呢
我哋覺得build-up同最後嘅care緊要啲，即係其實sex只係個手段 或者話係個方法啦，個目的都係愛 好似好抽象 
係囉，透過性行為 身體嘅融合？互相感受到對方對自己嘅愛，而唔係將伴侶視為洩慾機器
上網都有見過射後不理呢個講法，但佢又唔會咁，我哋有時仲會一齊沖涼添，呢個都係其中一個性行為之前turn on嘅方法，又或者性行為之後 為對方清潔，其實都好窩心（我哋覺得啦下）
去返一開始嗰度，雖然話就話唔係越耐越好，但太快嘅話，其實就都無傷大雅嘅，我亦都理解，始終唔會永遠都係喺再佳嘅狀態，唔好話佢啦，我有時都係㗎，有時就好濕，有時就要用K-Y輔助
即使嗰次射精快咗，但係仲有手/口㗎嘛，脷呢個器官嘅持久力比陰莖有過之而無不及（應該係），一樣可以令到我覺得舒服，又或者人會攰嘅，咁玩具唔會喇啩（我都知有金屬疲勞 sorry呢度突然講個爛gag好似有啲奇怪）
但唔會次次都太快射㗎嘛
又例如女仔每個月有一排唔適合性行為嘅，我一樣可以透過唔同嘅方法去取悅佢
所以唔需要因為對方短期嘅狀態唔好而責備對方，反而可以開發更加多唔同嘅方法令到彼此更加舒服/投入喺個過程入面
大致上係咁啦，唔拘泥於形式，最緊要係有享受到
如果唔enjoy嘅話就算講到天上有地下無都冇用
語文能力唔係太好，分段/排版有啲（非常 
）差
Hello，無錯啊，性行為中好重要嘅係大家都享受同投入，高潮唔係必然嘅目標，見到你同另一半都會對方表達有咩令自己舒服，咁樣好好啊，可以清楚知道對方嘅喜好。你講得好啱啊，性行為中，插入唔一定係最重要嘅，有適當嘅前戲同afterplay都好重要㗎！可以更加了解對方嘅喜好、敏感點，刺激身體反應同感受，令身心準備投入性行為，亦都可以建立更緊密關係，你同另一半都尊重對方，例如為對方清潔，體諒對方未必想/適合發生性行為。最後回應翻blue vulva先，性興奮咗一段時間而無高潮嘅情況下，因為長期充血，就可能有blue vulva，會有痛嘅感覺，依個時候透過自慰等方式令情況減輕，或者可以休息下，就會慢慢無事㗎喇。
明白你嘅煩惱～ 你男朋友喺嘗試斷續嘅時候，會唔會可以嘗試降低刺激嘅程度呢？：）
例如輕撫陰莖上嘅敏感帶（建議配搭潤滑液使用），或者緊握陰莖作超緩慢嘅移動，而唔係直接又快速地進行活塞嘅動作，令陰莖能夠持續受到刺激，又唔會一下子就衝到去終點，咁斷續嘅過程應該會順暢啲～
如果你會同佢一齊嘗試斷續，亦可以試吓喺暫停刺激陰莖嘅期間輕微刺激佢身體嘅其他敏感帶，令男朋友可以喺等待射精衝動過去嘅時間，保持到性興奮嘅狀態，咁應該會無咁容易變軟～
同樣地，再次刺激陰莖嘅時候，可以用刺激強度較低嘅方法，令到斷續嘅過程可以延長，達到更佳嘅訓練效果～
不過其實呢一種刺激嘅方法都需要持續嘗試一段時間，並唔係一時三刻或者幾日之內就可以達到嘅效果，所以如果你同男朋友一齊去嘗試嘅時候，都可以鼓勵大家呢個將會係一個漫長嘅嘗試，唔需要因為刺激失敗而感到氣餒或者自責。相信經過一段時間嘅嘗試之後，身體同埋肌肉都會慢慢適應，從而達到你哋想要嘅效果。
但係緊握陰莖作超緩慢嘅移動，我feel到佢好似會慢慢變軟
會唔會係因為以前一直以來嚟都習慣咗啲勁啲嘅刺激，導致當而家刺激冇咁強嘅時候，勃起唔能夠維持？
係咪當日子耐咗，適應返強度低啲嘅刺激之後就會正常返？
其實冇所謂「正常」或者「唔正常」嘅。唔同情況下，陰莖對於刺激嘅反應都可能唔同，例如壓力、荷爾蒙水平、刺激嘅強度同頻率、環境等等。如果之前好習慣比較高強度嘅刺激嘅，而家都可能需要一啲時間去適應返。
