胸脹痛同腫痛

Hello. 我食開21粒嘅避孕藥,由今年九月開始食,頭一個月無咩事。我亦都無食漏過,但我有時會遲2-3個鐘食 (eg應該每日10點食,但我12點先食)而我去到十一月二十幾號開始,就出現胸脹痛,係掂下郁下先會痛,如果靜止不動就唔會痛,而且乳房中間唔痛,淨係兩側同下胸位置痛。過一排仲出現類似經痛嘅感覺(不過唔係長期痛,好短地 兩三日先痛幾秒咁) 但我suppose十二月五至七號先會黎月經,所以我覺得唔肯定係咩原因令到我呢兩個星期胸痛。會唔會有懷孕嘅風險?

P.S. 之前食開24+4的,之後就轉咗21,中間無停過:pray:t3:Thanks

hello, 好多謝你嘅問題吖!

首先,如果你每日都有準時食藥,而遲食2-3小時,係會影響到身體荷爾蒙水平,雖然唔會太大影響到避孕藥嘅成效,但都建議要準時食藥:relieved: 另外都俾你了解多啲,如果漏食,只要喺12-24小時內補食,就唔會影響避孕效果。

同埋都見到你有轉過藥,想問下有冇啲咩原因呢?同埋唔知道你轉之前有冇詢問過醫護人員或者去家計會評估身體狀況係適合邊款避孕藥呢?

雖然只要你開新藥嘅時候同平日冇停食過,都唔會影響到避孕效果,但每一款藥嘅刺激素劑量同種類都唔一樣,所以有機會身體會適應唔到或者要重新去調節,所以先會突然之間有副作用。所以最好都係問返醫護人員關於自己嘅身體狀況適合邊一款藥物。

另外,你提到你有出現胸脹痛,其實呢個服用避孕藥嘅其中一個副作用,一般過多3-5個月就會冇。但如果感覺有類似經痛嘅情況,咁你應該向醫護人員諮詢,進行評估,確保藥性係適合自己,因為避孕藥應該係可以舒緩經痛問題。但其實都建議服用前同定期(每年一次)向醫護人員諮詢,進行評估,咁就萬無一失。

多謝你覆我。我一直都有睇家計會,姑娘知道我食28粒個陣經期唔準所以推薦我食21粒。我食咗第三排21粒藥,頭2排無唔舒服,但去到第三排先有唔舒服,咁樣係咪正常?

如果係胸漲痛嘅話,呢個都算係一個常見嘅避孕藥副作用,一般3-5個月之後就會冇,你都可以一直留意住自己嘅呢個情況。除非呢個情況一直持續,如果唔係其實都係一個常見嘅現象,唔需要特別擔心。不過都有可能係你身體唔適合呢隻藥,所以先有呢個情況,都會建議你諮詢返醫護人員意見。當然,我哋都唔能夠完全排除係身體有其他嘅問題,所以如果擔心嘅話,同返醫護人員講你嘅情況,咁就唔使咁擔心。

Thanks! 不過我今個月仲未有月經,已經係第三日停藥,之前停第三日就黎:sob:比較擔心