其實陰莖應該點擺

如果向下擺嘅話,當唔覺意勃起嘅時候,又會頂住
就算向上擺,又會因為軟腍腍同地心吸力而自己變返向下,條褲緊嘅話就解決到呢個問題
但又有另一個問題,條褲太緊對身體唔好
其實係咪無解

Hello~我都好明白陰莖的擺放問題會好令你感到煩惱,向下當勃起又會頂住,向上又唔太舒服。首先陰莖擺放嘅方向係冇一個明確嘅答案嘅,好多時都係個人喜好同習慣嘅。所以喺呢方面你唔需要太擔心,可以試下唔好太在意陰莖嘅位置,如果怕勃起頂住,嘗試諗多啲其他方面嘅嘢,減少對性嘅幻想。如果勃起係一個偶發性嘅事件,咁可以考慮向下擺,當有需要嘅時候先至撥返向上。

至於內褲鬆緊度,我哋會建議唔好太緊,因為太緊會影響陰莖嘅發育同埋血液循環,會令身體唔舒服。但係如果內褲太鬆嘅話,當陰莖同衣物磨擦得多,就好容易勃起。關於內褲鬆緊其實都沒有明確的指引,可以揀返棉質透氣吸汗嘅材質,有彈性同埋著上之後覺得舒適同輕鬆的內褲。

希望以上嘅資訊幫到你🫶🏻