來了一陣就冇咗，第二日訓醒就來
今之又係咁，第一日來咗少少又停咗
搞到唔知用唔用m 巾好
你好，月經好多時都會受好多因素影響的，例如：生活作息唔定時、心理質素唔穩定、壓力過大、飲食唔均衡、最近有服用藥物（特別係抗生素類），都會令女性月經唔穩定，例如：月經嘅日期、血量、顏色等，特別係如果食過藥，或者飲食好唔均衡的話，係令血量有機會明顯減少嘅常見原因。
有時因為以上嘅原因，都會有機會令月經黎之前1-2日，出現一滴一滴（spotting）嘅出血情況。因為暫時如果呢個情況只係出現左1-2日，都無需太擔心。不過如果之後都無出現返平日嘅血量，而經血量異常既情況持續出現幾個月，就有需要去睇醫生，檢查一下卵巢或者其他身體部位有無出現問題啦。
至於你話唔知道用唔用衛生巾，會建議返係月經期間，無論流量多少都係需要用衛生巾或其他月經產品，因為只要有經血排出，都有機會弄髒衣服或造成尷尬，而有月經產品幫助吸收經血，亦可令陰部衛生啲，減少經血滋生細菌。
希望幫到你決解疑慮!
第一日係少d ,第二日都唔算多
三同四好辛苦，都會一舊舊血出
點解會咁
Hello~其實經血同身上嘅血一樣會凝結，所以喺月經期間出現血液凝塊好正常，冇咩需要擔心嘅。從生理學嘅角度嚟講，身體會分泌內部化學物質以幫助血液凝結為血塊，避免血流過多。而一般情況下，月經期間由身體釋放嘅「抗凝血劑」會阻斷血液凝塊，幫助血液排出。但有時當經血流量大，血塊組織嚟不及完全溶解，就會導致血塊嘅形成並喺月經期間被排出，因為經過氧化呢啲血塊通常呈現暗紅色，並喺女性生理期血流量最多時出現。一般經血出現血塊係唔需要擔心嘅，但喺某啲情況下，可能預示更大嘅健康問題，例如突然出現大量嘅血塊可能係流產、疾病或者感染所導致。而充滿血塊嘅生理期亦可能係子宮肌瘤嘅徵兆。所以如果呢個情況持續嘅話，建議你去睇醫生，做個詳細嘅婦科檢查。如果有需要嘅話，可以請醫生處方調經藥畀你，去調整月經規律，改善現況🫶🏻