唔知點解我本身就好容易會產生一啲sex念頭，加上身體亦都好敏感，好容易就會分泌尿道球腺液，搞到底褲有一撻撻漬
如果要即刻清潔嘅話，咁有時一日可能要沖幾次涼同埋換幾條褲，如果屋企人問起，我又唔知點答
如果由得佢，我又驚屋企人攞啲衫去洗嘅時候發現有一撻撻漬
點解我會咁㗎 
你好，收到你既疑問。明白你既問題係會有困擾，首先尿道球腺液體係男性既正常分泌，亦係精液的組成部分，會含有少量精子有機會導致女性懷孕。通常是在性興奮時、性行為前或者自慰以前會大量的分泌的，平時正常情況下不會大量分泌，正常的分泌對身體沒有過大既壞處。
估計你宜家應該係青春期，正處於性成熟時期，所以容易因外在性刺激或自然性衝動而產生性分泌，亦係是自然生理現象，性分泌旺盛和性成熟的標示，毋須因此過份憂心。唯一辦法係勤加留意和清理分泌，係認知上亦要提醒自己唔好過易剌激性慾，尤其係公眾場合，盡量以平常心對待來自身邊既官能刺激。如果情況會帶黎尷尬，可考慮選擇穿著一些較鬆身既內褲同衣物，以減少衣物對性器官既刺激。同埋亦可考慮選擇穿著深色既內褲，令水印無咁明顯，減低尷尬情況。
另外，可同時考慮利用女性護墊內加到內褲內，當有分泌時將尿道球腺液吸收，避免整濕衣物，又會較容易清理。如果你未能接受使用護墊，你可先考慮以上建議既方法，睇下情況會唔會有改善先。
不過如果分泌特別多，要考慮到係咪長期處於興奮狀態或者前列腺異常，建議注意身體健康，合理調節生活方式，如減少自慰或接觸色情資訊等，亦可多做運動將過剩精力發洩出黎，可減少日常既性衝動。若果有異常情況，如經常有大量分泌而又不能停止，即好似水龍頭難關既不正常情況持續，就需要求醫，檢查一下係咪有前列腺炎，或者前列腺液病態滲漏既情況。
希望幫到你解決問題。
有時越做運動反而性慾越強
的確有時做運動都會提升性慾嘅，因為做運動會令身體分泌多咗唔同荷爾蒙同神經系統嘅一啲物質，呢啲分泌都會影響到性慾嘅。
如果運動未必改善到你嘅問題，都可以再探索同嘗試下其他分散注意力嘅方法。
而底褲方面，我地之前都有俾啲建議，希望可以幫到你～
想你明白，有性慾同埋身體有反應係好正常自然嘅，不過如果你覺得好困擾，甚至有壓力，除咗搵醫生檢查下身體狀況外，都可以考慮同社工／輔導講下，搵下適合你嘅解決辦法。