其實點樣先算係正確嘅自慰方式

如果自慰嘅時候隻手郁太快/捉太實,係咪會導致日後性行為嘅時候因為無法達到同一個刺激,從而影響勃起?

咁其實點樣先實於郁太快同握太緊?身體會唔會自己反映到個問題出嚟?

唔該晒

Hello~其實我哋係冇一個標準去衡量點樣先至為之郁得太快或者捉得太實。因為我哋自慰嘅時候隻手郁嘅速度,同埋比陰莖嘅壓迫度都係一個唔同嘅刺激。而呢一樣嘢係好主觀嘅,唔同人都有佢嘅偏好。而好老實講自慰(打飛機)同插入式性行為,俾陰莖嘅刺激係好唔同嘅,所以唔會話因為達唔到同一個刺激,所以勃起唔到。至於要郁得幾快或者捉得幾實就好睇當時自己嘅情況,基本上可以係令你舒服,唔會痛嘅就可以:blush:

咁如果開始最近覺得自慰冇乜feel
其實係咪即係代表以前個強度太勁?
而為咗有feel,就要快啲/大力啲,但係亦都因為咁而導致時間短咗
太快射精又覺得唔滿足
:face_exhaling:

如果覺得自慰冇feel, 可以嘗試轉換自慰的方法,捽磨龜頭時的速度。

你通常自慰能持續多少時間?

你可以嘗試轉換手來打飛機。又可以嘗試減慢捽磨龜頭的力度與速度。當快要射精的時候,便停止刺激龜頭,等刺激的感覺消退了便再次刺激龜頭。重覆這步驟數次,讓你能夠慢慢享受自慰的快感與樂趣。當你能打飛機至大概一個小時才射精的話,你會發現射出來的精液比較水汪汪亦比較暖和。

覺得自慰冇乜feel可能係有好多原因嘅,可能係身體已經習慣咗而家嘅自慰方式,咁就可能可以嘗試吓轉換唔同嘅自慰方式,例如好似你所講咁,快啲或者大力啲,或者都可以試吓減少自慰嘅次數。或者都有可能係身體狀況或者情緒壓力等等都會有影響,例如可能身體太攰或者壓力太大都會影響到自慰嘅feel。

至於擔心太快射精嘅問題,呢度都可以提供一個叫凱格爾運動嘅訓練方法,係可以提高持久力嘅。凱格爾運動係一個訓練骨盤底肌肉嘅運動,係一個透過強化骨盆底肌肉、尿道括約肌等附近肌肉嘅一個運動,可以增強返持久力等等狀態。首先,幻想自己忍著放屁,收緊會陰肌肉。然後向上提肛,把肛門向上收縮,再放鬆。透過呢組運動可以強化骨盆底肌肉,從而增強持久性嘅。呢個方式就只係其中一個例子,你都可以上網再查吓探索下有關凱格爾運動嘅一啲資訊,佢可以有唔同嘅方式或者結合唔同嘅方法去做嘅,你可以選擇一個你認為舒服嘅方式去做訓練。

另外都可以試下斷續刺激方法,佢就係刺激陰莖,直至感覺到即將射精為止。然後暫停刺激30秒。當射精意慾減退再度刺激陰莖。如是者重複多次,直至期望射精時,便持續刺激陰莖,直至達成射精。仲有一個就係擠捏治療法,係陰莖變得堅硬挺直時,輕輕擠捏陰莖頭數秒,在暫停性刺激約30秒後,再次刺激陰莖。如是者重複多次,直至期望射精時,便持續刺激陰莖,直至達成射精。但記住,佢係喺感覺即將射精嘅時候停止刺激,而唔係精液已經要排出嘅時候,用唔同嘅方法阻止,如果唔係就會造成精液倒流嘅情況,有機會導致尿道、膀胱、前列腺發炎。

不過記住,呢啲訓練全部都係循序漸進嘅過程,一開始可能會唔習慣係正常嘅,始終訓練係由淺入深,一開始做到嘅次數同頻率比較低都係非常正常,慢慢搵到自己合適嘅節奏係最重要,唔需要強求。

呢個其實係咩嚟?

我估你係問緊Death Grip (死亡之握)係咩黎,呢個名稱只係上網出post,作者借用既名稱,文章所指既情況係指男性因為經常刺激性器官,而令性器官敏感度下降,在進行插入式性行為時需要更長的時間才能射精及刺激度下降,甚至未能達致高潮。

導致呢個情況既原因,通常係因為過度刺激性器官及官能所致,例如:以極端既手法去自慰,或者自慰時過度緊握陰莖,當身體長時間習慣後,令陰莖需要更強力既擠壓才能有性興奮致性高潮,因此在進行插入式性行便會因刺激不足而難以射精。反而要依賴自慰才能達致性高潮。要知道陰莖勃起既原理係因為受刺激而令血液流入海棉體,當海綿體充血膨脹,陰莖就會變硬和勃起,當達致性高潮時就會射精。所以如果陰莖受壓過度,係有機會影血液流入海棉體,亦會影響陰莖硬度同刺激感覺。另外,有些人在自慰時會觀看成人電影增加官能刺激,如果過份依賴成人電影達致性高潮,亦有可能在沒有成人電影輔助下,失去足夠既官能刺激達致性高潮。

所以就係擔心 而家覺得自慰冇乜feel,如果為咗令自慰有feel而大力啲嘅話,會唔會日後令陰莖需要再更強力既擠壓才能有性興奮致性高潮

其實會影響自慰有冇feel係牽涉左大量唔同因素,唔止大唔大力呢個情況。例如溫度,你自慰嘅時候隻手嘅溫度係比較凍定係比較暖,都會影響到刺激嘅感覺;又例如環境因素,你係沖涼時候自慰定係係睡床上面自慰,感覺都係唔同。正正因為其實自慰呢個係一個整體嘅體驗,係牽涉左好多唔同嘅影響因素喺入邊,所以唔能夠單純話自慰大唔大力就會影響到自慰有冇feel。

其實除咗大細力同埋快慢之外,或者你都可以嘗試一下改變下唔同嘅一啲因素,或者都可以幫助到你有關有冇feel嗰個問題。例如,可能可以喺相同嘅力度,但唔同嘅溫度、或者係唔同安全而又有私隱嘅環境之下自慰。另外,你都可以考慮買一啲適合嘅性玩具,協助你自慰,提升返自慰嘅感覺。

所以其實都唔會話以後陰莖需要再更強力既擠壓先有性興奮致性高潮,更重要其實係當日身體狀況,同埋有冇搵到一個合適自己嘅自慰方式。希望都可以幫到你。