呢個月固定每個星期都有搞一次。每次搞完都有check個套冇穿。
最近一次係琴日搞，今日食野有陣怪味，而且已經遲緊黎m
我地已經次次都好少心架啦
Hello
多謝你嘅提問～首先解答左味覺改變嘅問題先，其實懷孕同味覺改變冇直接嘅關係，請問你有冇確診過新型冠狀病毒？如果確診過有機會出現味覺改變嘅症狀。
另外見到你有提及仲未嚟月經，其實有好多因素影響月經周期，例如飲食習慣，生活作息，情緒壓力，運動量等都會影響月經周期嘅出血日數，出血量，經前症狀等。所以我哋唔可以單憑味覺改變呢樣嘢，或者其他症狀判斷自己有冇懷孕，明白你好擔心，但如果每一次性行為之後都check過安全套冇穿嘅情況，其實意外懷孕嘅機會好低，所以唔需要太擔心。
但如果味覺改變呢樣嘢真係好影響你嘅日常生活，有機會係身體出現其他問題，或者有其他因素影響，例如係服食過藥物，口腔衛生問題，胃酸逆流等，如果長期出現味覺改變嘅問題就建議去睇醫生啦