想問問咁樣會唔會懷

25/11嚟完m,今日4/12同男朋友發生性行為,全程有戴套,但係之後掹出嚟發現個套穿咗,嗰陣仲未射,跟住就即刻去咗診所開事後藥,係4個鐘之內服用嘅,想問咁樣大唔大機會有咗:pray:t2::pray:t2:

Hello,你好!根據你既情況懷孕機會係非常低。雖然男方當時未有射精,但你地發現安全套穿左時,已經意識到去搵醫生處方事後避孕藥去減低懷孕風險,咁係正確既處理方法。

首先,雖然男方當時未有射精,但男方既分泌有機會帶有精子,所以當安全套穿時係唔排除有精子已進入陰道。而事後避孕藥係需要醫生處方嘅藥物,而且係有分性行為後72小時或者120小時內服用兩種,你亦係事後4 小時內救診兼服食事後避孕藥,所以係可以有效發揮事後藥既功用,只要跟足指示服用成效係可以達到97-99%的,所以你唔使咁擔心。

但係如果仲係唔放心,可以喺性行為之後第7日同第11日買驗孕棒,跟足說明書指示去驗孕, 如果係顯示陰性的話,就即係無懷孕嘅風險。

最後,因為安全套破裂既關係,你亦可以同男朋友傾下,留意返選擇合尺寸嘅安全套,同確保有正確使用安全套,以減低日後再次出現安全套破裂既情況發生。