我唔知喺度問呢樣嘢合唔合適
男朋友最近話想試下post-orgasm torture
但其實係咪 唔係每個人都做到？因為高潮射精之後通常都係會變返軟？
有冇得練習令到一個人射精之後都仲keep住勃起？當然本身性行為唔可以好頻密，咁樣先至有足夠嘅sexual arousal
定係天生機制冇得改變，射精之後就一定進入不應期
Thank you 
Hello~其實post-orgasm torture嘅重點唔係「做唔做到」，而係對方「有冇feel」同埋「覺唔覺得舒服」。因為就算射完精之後軟咗，龜頭都係會比較敏感嘅，有任何接觸都會刺激到佢，例如可以喺佢射完之後即刻幫佢口交。不過，每個人嘅感覺唔同，唔一定咁樣做，對方就會覺得舒服。等如有啲女仔高潮會潮吹，但係有啲會覺得潮吹「谷住谷住」好唔舒服，甚至完咗會有羞恥嘅感覺。所以如果你同男朋友有共識想試嘅，都可以試下，不過完咗之後要誠實咁表達感受，良好嘅溝通先係重點
至於第二條問題，其實只要陰莖持續受到刺激摩擦或保持興奮度，就可以keep住勃起，但都要留意，一旦勃起嘅時間超過10分鐘就屬於異常，會對身體唔好。至於射精之後即刻變軟，並唔代表異常或者性功能較差，無論射完係軟定硬「只係代表你射咗」。反而如果射完之後都keep住勃起好耐，可能有生病嘅疑慮
。
而陰莖嘅硬軟會隨住人嘅狀態而改變。每個人嘅身體狀況唔同、心理興奮程度都唔同，男性射完再勃起的時間與速度，會根據性行為嘅對象同頻率等因素，以及當下嘅興奮度、渴望程度等而有所差異。所以性能力嘅好壞，應該取決於另一半嘅感受，能夠滿足雙方嘅心理同埋當下嘅狀態，先至係評斷性能力嘅關鍵🫶🏻
我就唔建議你去試，因為可能會死機，導致陰莖過度充血而引起不適。就正如你知道毒品的存在，存在唔一定要去試，當你知道它對身體存在某程度的傷害。有時好奇心會驅使人做了一些不當行為也不自知。
若你很好奇向高難度挑戰的話，建議你男友先行自慰射精。射完第一次精後，在仍然勃起狀態下，繼續捽磨龜頭打飛機一段時間，看看有否不適。但注意，剛剛射完精後，龜頭是極之敏感，未必能承受繼續的手部刺激。若打第二次飛機，已經引起了身體不適，便應該唔好嘗試進行post orgasm了。
唔該晒你
身體嘅部分我明白喇
反而想知多啲關於羞恥嘅感覺嗰度
如果我覺得自慰/性行為嘅時候舒服到嗌咗出嚟係好羞恥嘅話，咁但係呢啲唔係正常嘅嘢嚟嘅咩？所以唔需要覺得羞恥？
自慰係自己想，所以冇必要覺得羞恥？
嗌出嚟係身體自然嘅反應，所以都唔使覺得羞恥
但潮吹就係唔正常？
非自願？
俾人強制控制？
唔係好明點解呢個就要覺得羞恥
唔係要challenge你
可能係我唔太get到你講羞恥嘅意思
所以想了解多啲
不過可能我本身比較mean，講嘢比較直接，容易令人覺得aggressive，喺度講句對唔住先
Hello~ 呢度講嘅羞恥，純粹係一部份人對於潮吹嘅感受。因為潮吹噴出嚟嘅其實係尿液，所以有部份女性會對「舒服到失禁」呢樣野覺得羞愧，亦都有人好享受呢個過程，正如你所講，會覺得舒服都嗌咗出嚟係自然反應，係好正常嘅，所以唔會覺得羞恥。所以重點係～感受呢一樣嘢係好主觀嘅，冇話正唔正常
。呢度純粹係想比你知道唔同人嘅感受都唔同，所以性行為之中都需要考慮埋對方嘅角度、感受同埋諗法。
不過如果個性接觸係非自願/俾人強制控制嘅，咁就唔同講法，如果涉及到冇共識嘅性行為，就等同於非禮強姦，可能會造成嚴重嘅心理創傷
有需要嘅話就要求助，搵人幫手