我想問下請問月經嘅日子點計？係開始流血嗰日直到完全冇血嗰日定係直到冇晒紅色鮮血個嘅個一日？因為如果係後者咁計嘅話已經差唔多第八日流血 就快到不正常經期嘅日數
仲有想請教下飲凍嘢係咪真係會拖長月經日期？
希望可以解答下 
加上想問下點解M 到嘅時候下腹會咁漲？
Hello~ 經期出血通常會持續5日，由開始流血嗰日計到完全冇血嗰日，不過月經頭尾1-2日可能淨係有少少血絲/流啡，咁嗰幾日就唔計嘅。 而正常月經範圍為2至7日 。 出血超過8日先可能代表身體有潛在疾病嘅徵兆。
至於飲凍嘢𠴱方面，因為月經係一種自然、正常嘅生理現象，所以喺西方醫學嘅角度，經期期間並唔需要戒任何野食，經血量嘅多少/經痛程度同吃生冷野無關。而喺中醫角度，飲凍嘢會令經脈澀滯、寒凝血瘀，加劇經痛。 不過，無論喺中醫定西醫角度，飲凍嘢都唔會拖長月經日期，可以放心。
西醫認為經前腹脹係身體對月經周期荷爾蒙水平變化嘅一種反應，可能同大腦嘅化學變化有關，而飲食亦可能會對其造成影響，尤其係鹹食同埋含咖啡因嘅嘢飲，例如茶、咖啡、可樂等。 至於中醫就認為月經周期前後腹部脹氣=一般腹脹，最常見嘅原因係胃腸積氣，而因為食積停滯、濕阻脾胃、肝胃氣滯以及脾胃氣虛較為常見。一般經前腹脹喺月經後期就會消失，可以放心
請問流啡嘅定義係M 血變成深啡色近黑色定係類似屎色（搵唔到更好嘅形容詞sorry 
）？
其實流啡係月經就完/排卵期嘅時候，子宮會排出少量嘅經血/血絲，當時間耐咗，經血就會氧化變成啡色/啡黑色，只要血量唔多， 都係正常嘅。