你好！我的月經是每個月的18號至20號來的。11月28日和12月1日都曾經行房過。在行房期間，我們先是無套摩擦性器官一會兒，摩擦的時候，沒有對準陰道口的。然後我自己用手自慰了一會兒沒有指插，最後在性器官插入之前全程都有用安全套，亦在射精前已經取出來，當中亦有檢查避孕套是沒有任何穿漏的情況。
直到12月15日後，肚臍左邊間歇性悶痛了數天，間中有疑似一兩下抽痛，被橡筋彈的感覺，感覺怪怪的。加上每個月的月經前分泌是比較多，但是今個月近月經的日子分泌明顯比較少，陰道比較乾，這個月精神亦比較累，所以在12月16日早上（預計月經來前兩天）和12月18日早上都用了Ultra early clear blue驗孕棒和當天早上第一次尿驗孕，是屬陰性結果。
由12月1日之後，就已經沒有行房。請教一下，我的懷孕機率會高嗎？會不會有機會在用套插入的時候，順便會將在之前摩擦時陰道附近的precum 推了入去呢？
我還需要再驗多次孕嗎？如果有時間方便的話，請回覆，謝謝你！
Hello~多謝你嘅提問🫶🏻首先，因為12月18號距離12月1號（最後一次性行為）已經超過咗14日，所以個驗孕結果係最準確嘅，你冇懷孕，亦都唔需要再驗孕。
至於你問會不會有機會在用套插入的時候，順便會將在之前摩擦時陰道附近的precum 推了入去，個機率係好微嘅。因為精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率，所以就算pre-cum含有少量精子，經過磨擦同埋自慰之後，再喺用套插入嘅時候推入去係唔大可能嘅。
另外，你話15號「肚臍左邊間歇性悶痛了數天，間中有疑似一兩下抽痛，被橡筋彈的感覺」，應該係唔關事嘅。因為子宮嘅位置係肚臍下方，如果真係子宮抽搐嘅話，應該係下腹部感覺到痛。而肚臍左邊係大小腸，如果痛嘅話應該係同消化系統//排便相關，唔係懷孕嘅徵兆，可以放心。
而你話「每個月的月經前分泌是比較多，但是今個月近月經的日子分泌明顯比較少，陰道比較乾」，應該係同你「這個月精神亦比較累」有關。因為月經前荷爾蒙水平會有變化，令分泌物增多，不過由於你最近精神狀況唔好，有機會影響到荷爾蒙，令月經周期變得唔規律，只要調整返心態，放鬆下，就會回復正常㗎啦