上次月經來的時候跟這次來只差了10幾天而且這次血還是有點粉粉的感覺上面還有類似紅豆渣的感覺
上次月經的血量是那種很少很黑還持續10幾天
［1個月前 ］有跟男友摩擦（隔著褲子！而且男友說他沒射精）過幾天後月經就來了
請問這是會懷孕嗎？還是已經是懷孕了？
其實如果係隔住衣物，性器官之間冇直接接觸，基本上懷孕風險都比較低，再加上如果你肯定已經係黎咗月經，咁就更加可以肯定係冇懷孕。但都提醒返，其實陰莖勃起時，有機會會分泌尿道球腺液，係一啲透明黏液咁，入面有機會會含有精子，所以就算冇射精都好，都唔可以就咁就斷定到有冇懷孕風險，如果擔心嘅話，即使唔係插入式性行為，都可以考慮做返安全措施，例如用返安全套。
而如果你都係驚嘅話，都可以考慮自行驗孕。你可以去有信譽嘅藥房或者個人護理商店，買驗孕棒按指示驗孕，喺性行為嘅7日之後就會有初步結果， 11日之後就會有準確嘅結果。
至於月經個方面，月經係有時會因為各種因素而有機會會比預期提早或延遲咗，例如荷爾蒙影響、情緒壓力、生活作息等等。但你嘅出血情況都會令人擔憂嘅，有機會會係曾經係性行為時，例如指交，造成咗傷口而自己都唔知道，所以會有流啡嘅情況。如果係咁嘅情況，都建議你暫時唔好再進行性行為住，俾啲時間你嘅陰道傷口復原，因為如果再有異物進入陰道嘅話，包括手指、陰莖等等，都有機會會再整損個傷口令佢復原唔到。呢段時間都可以每日用清水清潔陰部，注意陰部大小陰唇之間嘅清潔，但都唔好過度清潔，亦都唔建議灌洗陰道，或者自行搽藥，因為都有機會造成反效果。呢段時間都可以著棉質底褲或者鬆身嘅下身衣物。或者都可能係身體有其他問題，所以導致呢個情況發生。如果情況持續，甚至更加嚴重，或者其他月經問題，都會建議去睇醫生，咁就可以更好咁了解返個問題同身體狀況。
而且你提到，經血偏粉紅，都會建議盡快睇醫生，因為都有機會係子宮或者卵巢或者身體其他地方有問題。可能都需要睇睇醫生去判斷發生咩事，同埋需唔需要治療。