全程都有用安全套
插插下發覺個套穿左( 我估插左幾下左右，因為換姿勢前個套都無穿）
之後即刻換番新既套
想問下咁有bb既機會大唔大 謝謝
Hello～陰莖喺射精前會分泌尿道球腺液，內含少量精子，都有機會導致懷孕。因為你有及時發現，換過個新嘅安全套，咁個懷孕機率就唔高嘅。不過，如果想百分百肯定唔會懷孕，就可以考慮喺性行為72/120小時內食事後丸。因為事後丸喺香港係醫生處方藥物，你可以去私家診所/公立醫院請醫生開藥，亦都可以預約家計會攞。有啲藥房都有得賣，不過要留意藥房售賣嘅事後丸有機會係過期或者變咗質嘅，藥效冇保證，所以最好都係搵返醫生處方。
如果唔想食事後丸嘅話，可以喺性行為之後7-11日進行驗孕，到時會有初步嘅結果。性行為之後14日驗嘅話個結果就最準確。
另外穿套嘅原因好大機會係因為個size唔啱，關於點樣量度陰莖嘅尺寸可以參考以下網站：https://www.sampsonstore.com/neovision/condom/info/article/sizing-guide.is?locale=zhhk
另外，做之前要留意安全套有冇過期，唔好使用過期嘅安全套。仲有唔好將油性嘅潤滑劑同乳膠材質嘅安全套一齊使用，因為咁樣會增加安全套破裂嘅機會。而喺撕開包裝之前要檢查包裝有冇漏氣，打開之後要將安全套頂部嘅氣泡擠走先戴上去，留空間儲存精液，咁就可以減少破裂嘅情況。🫶🏻