點睇處女
？順睇下大家對處女睇法
講明先，我係女仔
試下代入男性角度
首先我覺得唔係在意處女膜呢樣嘢（不過當然唔排除有人係在意）
聲明：其實唔係膜，係環狀組織
我覺得一部分男性在意嘅係個女仔嘅心
I mean即使而家都就嚟2023，但仍然有女仔好care自己嘅第一次㗎嘛，唔會隨便就同人發生關係
咁如果知道自己個女朋友以前曾經係咁愛一個人，願意將第一次畀嗰個人，可能自己諗到嗰刻會唔舒服？
又或者諗起自己個女朋友以前點樣取悅其他男性 / 其他男性點樣令佢舒服 享受，又會覺得唔舒服？
但好現實咁講，無論男定女，你都冇可能知道自己面前嗰個人係咪同你一世㗎嘛，所以我覺得將第一次留畀「嗰個人」根本唔可行，但唔等於鼓吹隨便同人發生關係
至於以前嘅事，其實一樣，都係計較唔到咁多，呢個位就真係因人而異，因為可能真係有人接受唔到
最後，如果唔係處男，亦都請 唔好見人哋唔係處女就批評人，原因 只要將上面嘅情況調轉性別就得
當然，即使係處男都 唔代表 可以唔尊重其他人
以上情境皆指出於自願，如因不幸情況而失身則另當別論
題外話
有人會覺得唔係處女仲好，唔使教
總結
係唔係處女 真係咁重要咩？
唔通因為佢唔係處女就唔鍾意佢？
當然唔係話要接受濫交，但愛一個人 有好多因素，如果淨係諗對方係唔係處女/男，咁樣係愛咩？