好驚會中到

12月26號(我月經結束嘅第一日)同男朋友進行性行為。
開始之前佢冇戴套,並用柱身貼住我陰部大概2-3分鐘(個頭冇掂過陰部)。
佢係用手指插入我陰道之前有去洗手嘅,而且都有戴翻套先插入,因為我覺得痛所以佢插咗兩下之後就嗌佢掹返出去,插入時間大概祇有1-2分鐘。
之後就用其他方式幫佢解決咗,我好確定最後射出黎嘅精液係完全冇掂到我陰部嘅。
事後都check過個套冇爛度,24小時之內我都有食事後避孕藥,但仲係好驚一開始d前列腺液會順著柱身掂到陰部搞到我中:sob:

*係條野有戴翻套先插入

我月經週期都好規律,基本上都係每個月20號左右黎m,係咪排卵期都會比較規律?

Hello~首先好欣賞你哋有洗手同埋有用到安全措施,仲有check有冇穿:relaxed:。其實你呢個情況懷孕機率係好低嘅。因為尿道球腺分泌內含嘅精子較少,加上陰莖頭部冇掂到陰部,所以其實係冇必要食事後丸嘅。因為事後丸嘅避孕原理係通過大劑量激素嚟抑制/阻止卵巢排卵,或者通過影響子宮內膜嚟阻止受精卵著床,會令月經周期變得混亂,可能會延遲嚟m,所以喺一個月經周期裏面最好唔好食多過一次。而呢個月經週期剩餘嘅時間,同埋之後嘅日子,你都一定要使用其他高效嘅避孕方法避免意外懷孕,保護好自己。🫶🏻

1個讚

排卵係受到好多唔同因素影響嘅,而且排卵期要等月經出現之後先可以推算返個日期,所以除非每日喺醫生嘅指引下用排卵棒進行排卵測試,如果唔係我哋好難準確咁知道究竟幾時會排卵。

而所謂嘅「安全期」即係避開「排卵期」,但係正正因為排卵期難以預計,所以呢個並唔係一個安全可靠嘅方法。月經嘅出現係因為卵子冇受精而出現,而通常係卵子死亡後大概14日左右就會出現月經,好多人會以為喺月經呢段時間之內身體唔會再次排卵。但其實係長度較短嘅月經週期嘅人身上,月經嘅期間有機會身體已經排卵,所以唔一定完咗月經嘅第二日就「安全」。而且精子一旦進入陰道,最長可以生存1-5日(視乎精子嘅質素同埋當時陰道內嘅環境),一旦係精子進入體內後身體先排卵,其實都一樣有機會造成受精。所以無論喺月經週期嘅邊一日,即使喺月經期間,只要發生咗冇用安全措施嘅性行為,陰道同陰莖有接觸,咁都會有一定嘅風險嘅。 :confounded:

1個讚

我係尋晚開始出血,尋晚嘅血係完全啡色嘅,今朝起身d血可以有翻少少紅色,仲整汙糟咗牀單。
佢到底係排卵期,定係我月經早到?
而且排卵期出血唔係少量咩,出嘅血係俾黎m少,但係我對少量一直冇一個定義:cry:

Hello 你呢種流啡嘅情況,有機會會就係食完事後丸之後所導致嘅不規則陰道出血。因為流啡係服食事後藥嘅其中一種副作用之一。正常黎講,出血量應該係會比經血量少嘅,同埋應該持續嘅時間唔會好耐。但都唔可以完全排除係月經早到咗嘅情況,而因為食咗事後藥而令月經有所變化,如果一直keep住有出血,而又同平時嘅月經差唔多,就可能係呢個情況,而食咗事後藥之後嘅一兩次月經會有所影響都係好正常嘅事。

你呢幾日都可以留意住自己嘅情況,如果出血量好多,或者出血情況一直持續冇改變,或者出血顏色變到好鮮紅嘅話,就有機會會係陰道、子宮或者身體有其他問題,到時都會建議盡快睇醫生,諮詢返醫生專業意見。

1個讚

多謝答覆呀,我宜家d血由咖啡變紅咗好多,但又未至於鮮紅,有d似深粉,同平時黎m差唔多嘅顏色。而且血係俾m到少好多,應該只係食事後藥之後出血姐。
聽聞食完事後藥出血代表避孕成功,唔知係咪真嘅:thinking:

Hello
每個人身體情況唔同,食完事後藥之後嘅身體反應亦會因人而異,唔會話副作用強啲或者有出血就代表有效啲嘅。

如果出血情況令你好擔憂嘅,都建議去睇返醫生,可能了解清楚身體狀況你都會安心啲嘅~
如果你好擔心懷孕風險嘅,其實除咗驗孕之外,暫時冇其他方法可以準確咁知道有冇懷孕。一般性行為7日後驗孕已經有初步結果,而11日後驗孕就會有比較準確嘅結果。你可以計算返日子驗孕,可能見到個結果你都會放鬆啲。

有其他問題歡迎隨時搵我地呀! :smiling_face_with_three_hearts:

1個讚

問咗下男朋友,原來唔係柱身,係根部掂到嘅。
咁其實我呢種情況(祇有根部掂到+安全期+有戴套+有食事後藥)係咪基本冇懷孕可能?
我係打算原本m到個幾日先驗嘅(20號左右),因為好似話驗嘅時間越遲越準確,但係因為呢排好焦慮,而且覺得個肚怪怪地,好似入面有野咁(亦都可能係呢排作息唔定時+飲食唔定時嘅原因),想先問下你哋求個心安先,多謝晒:pray::pray:

個肚係間唔中有少少痛,痛度係細到冇咁,而且基本上一下就冇咗

Hello~因為你係性行為之後24小時內已經食咗事後丸,所以個避孕機率係去到97%以上嘅,加上有帶安全套,嗰懷孕機率係好低好低嘅,所以放鬆啲啦!:relaxed:

驗孕嘅話,好似我哋同事所講

因為你嗰次性行為係12月26號,11日嘅話即係1月6號,即係話你聽日驗嘅話,個結果就最準確,最可靠。如果係一條線嘅話就可以確定冇懷孕啦!

1個讚

至於肚痛嘅原因有好多,有可能係食錯嘢/腸胃敏感/便袐,亦都可能係因為你太擔心所以造成嘅。除非個肚越嚟越痛,或者有其他症狀出現,咁先至需要睇醫生,睇吓使唔使食藥舒緩/醫治(不過就同懷孕冇關㗎啦!)

身體健康真係好重要!驗完孕之後記得放鬆下,調返好啲作息時間同飲食習慣,唔好太緊張啦!:wink:

1個讚

因為一d原因今朝先用驗孕棒check,用晨尿check嘅網上話會準d。
男朋友睇個結果話祇有一條線,但係我隱隱約約望到好似有條好淺好淺幾乎冇顏色嘅線,唔知係我心理作用定係點:cry:

我用嘅clearblue超早知驗孕棒,會唔會係因為d尿液整到觀察區域先搞成咁,因為我為咗方便冇用到杯去驗。我使唔使買個電子驗孕棒再check多次?

我睇到有淺色線個陣時已經過左十分鐘,個結果係咪唔準確嘅?

Hello~想問你驗孕嘅時候有冇跟足說明書嘅指示做?因為驗孕通常都要用杯驗嘅,尿液係唔可以超過驗孕棒某一個位(說明書有寫),如果唔係有機會唔準。

不過,因為本身你懷孕嘅機率就唔高,加上你有食事後丸,所以其實都可以肯定你係冇懷孕嘅,就算唔驗都得。當然如果你唔放心嘅話,聽日係可以驗多次嘅。不過就一定要跟足說明書,唔好貪方便啦!

1個讚

我見到個說明書話可以將試紙部分係尿流中停留五秒,但係驚尿液唔夠就留多過五秒。
我已經買咗個電子驗孕棒啦,到時一定跟足指示去驗:cry:

1個讚

20號用電子驗孕棒驗咗,都係用晨尿,結果係not pregnant,可以好好過個年啦。想感謝糖不甩討論區嘅一眾成員一直好耐心咁同我解釋同安慰我!Thank you!

1個讚

多謝你嘅支持!好開心可以幫到你!如果有任何問題都可以搵返我哋,我哋會盡力幫你解答🫶🏻:smiling_face_with_three_hearts:

1個讚