食避孕藥6日內射

我12月18日黎M…之後21號去左家計會到配避孕藥食,22號食左1次,但可能副作用太勁…頭痛,第二日打番去問,姑娘叫我停藥再番去睇下,之後24號番去睇完就轉左第二隻…當日都開始食第一粒,到左30號夜晚同男朋友發生左性行為…佢有內射…
想問下差一日先夠7日安唔安全? :speak_no_evil:

Hello~多謝你嘅提問:heart:事前避孕藥最好喺月經頭五日開始食,咁就只需要喺頭7日配合外用避孕措施。但係如果喺之後就開始食,咁就頭兩個禮拜都要配合外用嘅避孕措施。所以宜家藥效係未建立好嘅,懷孕風險會較大,建議食事後丸避孕。因為事後丸係香港係需要醫生處方嘅藥物,而且有分性行為後72小時或者120小時內服用兩種,都建議你盡快揾醫生求診。可以選擇去家計會診所、普通私家門診或者婦科診所。另外,事後丸嘅成份係高劑量嘅女性荷爾蒙同埋黃體素,所以食完之後2-5日可能會出血,月經亦都會延遲。

如果唔想食事後丸嘅話,可以選擇係性行為之後7日進行驗孕,到時會有初步結果。性行為之後11日再驗嘅話,個結果就會最準確。現階段記住keep住食避孕藥,每日準時食唔好漏服,只要成功抑制排卵,咁懷孕機率就會大大降低🫶🏻