成日都好擔心…

近排同伴侶開始同居,性行為比以往頻密咗好多,由以往幾個月一次,到而家一星期1-2次。

每次性行為後,即使恆常有食避孕藥,我都好擔心會有咗,呢啲擔心已經開始影響到日常生活…

性行為係享受的,但完咗後就開始驚… 都有諗過雙重避孕,但伴侶用保險套會軟返,每次都唔成功…

今個月因為停藥期間7日有過性行為,而上個週期食藥又亂咗(都唔知自己食多定食少),剛剛月經黎完後開始覺得尿頻、疲倦、情緒波動、作嘔(which is懷孕徵兆),我真係好驚好驚,但我連驗嘅勇氣都冇…我究竟可以點算:pensive::pensive:

Hello你好啊,多謝你同我地分享你嘅擔憂。

其實依加口服避孕丸嘅成效都好高,避孕成功率已經係可達99.7%(perfect use,完全正確使用),及91%(typical use,一般使用),完全正確使用即係服用前有徵詢醫生意見、每日準時服藥、無漏食藥等,見到你話上個週期食藥亂咗,可以set定鬧鐘,咁就每日都準時食喇。如果漏食咗嘅,唔同牌子都會有自己嘅補食時間嘅,只要係佢指定嘅補食時間內食返,都無需要太擔心嘅。除咗口服避孕丸外,仲可以考慮下打其他避孕措施,例如避孕針,每個月打一次,就唔洗每日都記住食藥,或者子宮環等。

另外,回應返用保險套嘅問題,依個情況可能由唔同原因導致嘅,首先,可能係安全嘅尺寸唔合適,或者材質唔舒服,所以就無感覺,可以試下多啲唔同嘅安全套,睇下邊個款式、厚薄度適合自己,我地ig都有分享過可以點度size,可以參考下:

https://www.instagram.com/p/CNmt0RpDzpy/?igshid=YmMyMTA2M2Y%3D

亦都可以喺自慰時戴安全套,除咗可以感受自己係咪適合依款套外,仲可以習慣戴套嘅感覺。雖然安全套入面已經有潤滑液,不過可能未必足夠,所以都可以買潤滑液,就可以易啲戴套同埋過程更加舒適,記住唔好揀油性潤滑液,因為會令安全套穿嘅。

其實嚟月經就代表無懷孕,如果仲係擔心懷孕嘅,可以喺性行為11日後進行驗孕,結果就好準備㗎喇。

明白發生性行為後會感到驚同擔心,可以思考下自己驚嘅係咩?如果真係有咗bb,對你嚟講有咩影響?可能係少咗私人空間?可能打亂咗一啲計劃?依啲影響係咪真係完全無解決方法?如果可以釐清到自己嘅憂慮同恐懼,或者可以令你放心啲。不如試下同另一半討論你嘅憂慮,例如如果真係意外懷孕要點面對,會選擇終止懷孕定係繼續懷孕,或者除咗插入式嘅性行為外,可唔可以改為一啲低風險嘅性行為(例如指交、口交、互相自慰等等)。有共識之後可能都可以令你嘅擔心減少呀!