男朋友嘅需求真係好大，每日都要一兩次，而我就係好容易攰，冇發生性行為，每一日都會要求我幫佢解決，但係有陣時真係好攰唔想，拒絕咗佢之後佢就會發脾氣,唔開心。對我自己嚟講，一個星期一次已經好足夠，但係佢好似一日唔做就唔安樂咁，有陣時覺得同佢一齊只係為咗幫佢解決定性需求。
喺佢屋企人眼中佢係好乖好純嘅男仔，佢哋都知道我同佢有發生關係，但係佢哋就會以為係我每次提出要求，有喺男朋友口中聽過佢哋講過唔好嘅字眼去形容我，真係會覺得好傷自尊，明明唔係我嘅問題。
開口同佢講過好多次，我唔希望每日都要幫佢解決或者經常性發生性行為，雖然佢聽完話應承我會改，但係過咗之後依然係一樣，我真係唔知道可以點做。
每日都要一兩次？
佢唔痛㗎咩？而且咁樣夠硬咩？
如果真係咁勁嘅話，我只能話佢需求真係好大/身體好好
不過我始終係女仔，對男仔嘅身體一定唔能夠講得上係非常了解
講返我自己嘅睇法
從你嘅描述，感覺佢好似冇尊重你嘅感受 淨係顧佢自己？
一段關係唔係淨係得sex嘅，即使性事不合，但你哋之間應該有其他好多夾得到嘅嘢 
？如果唔係當初點會一齊
同埋一齊咗幾耐先？ 
有時啲嘢係要慢慢磨合
一齊咗都半年，講真除咗性方面以外同佢都冇咩問題。
Hello~好開心你願意將你嘅煩惱同我哋分享
喺一段戀愛關係裏面，兩個人嘅期望唔同係會帶嚟好多矛盾同磨擦嘅。見到你對住男朋友嘅要求，雖然內心唔想，但基於女朋友嘅身份，好似除咗你冇人可以幫佢解決咁，所以為咗唔想對方唔開心，都會應承。而矛盾嘅係，喺外人眼中你先係想要嗰個，對女仔嚟講，畀人用唔好嘅詞語形容，特別係喺性方面，係會覺得好委屈，覺得唔被尊重嘅
。
首先，你一定要畀佢知你嘅感受，包括你對佢朋友講嘅嘢嘅感受。你要畀佢知你係唔開心嘅，喺性行為嘅過程中亦都唔享受。你要俾佢知，你係因為好重視，好鍾意佢，先會同佢發生關係。但係前提係，佢都要用平等嘅態度對待同埋尊重你，唔應該強迫你做唔想做嘅嘢，遇到人哋講你唔好嘅時候，應該要企喺你嗰邊，幫你辯護。愛情係平等嘅，唔係一味遷就
。
另外，你都要同佢講清楚你嘅需要。例如你要清晰咁畀佢知你點解需要休息，如果冇得抖嘅話會點。要畀佢知道你係有付出嘅，唔係做完，滿足完就算，而係要多謝，感恩你嘅付出。呢個世界冇嘢係應份嘅，就算係情侶，都唔係理所當然要幫對方解決性需要。愛情亦都唔係淨係圍繞性，仲包括親密同承諾。要畀對方知道，如果佢一直做唔到佢應承咗嘅嘢，你哋之間嘅關係係會有破損嘅，可能會行唔到落去。
要維持一段關係，係需要真誠咁同對方坦白嘅，唔係講完就算，而係要雙方都真正咁理解對方嘅感受同需要，互相作出讓步。一味忍讓同埋勉強係唔會得到幸福嘅
。
1個讚