唔知肥左定有左

hello你好啊 想請教啲問題
我10月嘅時候停食左事前避孕藥(yaz) 11月嘅時候都有m 遲左幾日咁
跟住正常我應該around12月22號嚟m嘅
我同伴侶12月17號有性行為 不過過程中有戴 而且有安全套都冇喺入面射
但我到依家都未m come(今日1月3號) 我12月26號朝頭早有驗孕(用晨尿)是得一條線 跟住29號晚都有 都是一條線
呢幾排個肚好似係咁跳 又會痛痛地 又bloat 乳頭都大左同硬(青少年) 我困擾緊其實係因為停藥有嘅副作用定真有左(因為我見左網上講驗孕棒喺懷孕一開始唔太準
希望可以解答到我 thx

Hello~多謝你嘅提問:heart:當我哋食緊避孕藥嘅時候,因為荷爾蒙嘅水平轉變,停藥或者食冇藥效嘅藥丸,就會嚟M(撤退性出血),通常嚟嘅日子都係好準嘅。但係當我哋停咗藥之後,月經周期就唔會好似食緊避孕藥咁規律,提早或者遲嚟一個禮拜都係正常嘅。因為月經係受好多因素影響,例如壓力,飲食習慣,運動等等。所以唔一定係因為懷孕先至會令到月經遲嚟。

另外,你話你12月17號有進行性行為,想問吓你係咪確定安全套冇穿,同埋有正確使用安全套?(例如冇掉轉正反面,又將存精囊嘅空氣擠出等)如果有嘅話,咁懷孕嘅可能性係好低嘅。而我哋可以喺性行為之後7-11日驗孕(唔存在懷孕開頭唔準嘅說法),而11日之後驗嘅話個結果就最準確。所以你29號晚驗嗰次個結果係可靠嘅,即係你冇懷孕。

至於你話個肚有啲bloat同埋乳頭會痛,就唔係停藥之後嘅副作用嚟嘅,比較似係嚟M之前嘅症狀。所以現階段可以放鬆心情等月經嚟,如果遲咗三個禮拜都未嚟先至需要睇醫生,等醫生決定需唔需要開催經藥俾你。

希望以上嘅資訊幫到你:relaxed:

1個讚