上網睇話我摸到子宮頸

呢兩日中指入咗大概半隻or多少少,摸到個突突地好似有少少圓型嘅嘢,上網睇係話子宮頸,會喺月經前或者嚟緊月經嗰陣先會去到咁出,我想問吓呢件事真唔真?因為就係近排仲未嚟M,就伸左入去,唔係伸好入就摸到啦,所以係咪代表我月經就嚟嚟?定係其他古怪腫瘤?因為第一次摸到有少少驚。同埋想知一個課外小知識,懷孕嘅話子宮頸係咪去到好高架?

Hello~你摸到圓圓地嘅嘢的確係子宮頸,不過摸到係好正常嘅,唔存在「月經前或者嚟緊月經嗰陣先會去到咁出」嘅說法。因為全球陰道嘅平均長度只有9.6cm (7.6-17.7cm, 有研究指出陰道有機會好似陰莖咁,會因為種族不同,而有不同嘅長度,但需要更多數據支持) ,而日常生活嘅情況只有7-8cm左右,淨係得性興奮嘅時候會擴張至9.5-10.5cm。如果你拎把間尺出嚟度下,就會發現其實冇我哋想像中咁深。特別當我哋坐喺度/踎低,因為身體彎曲咗,就會更加容易摸到子宮頸,感覺上就會好似好出咁。

即係話 子宮頸嘅位置係唔會因為月經/懷孕而改變嘅 ,唯一嘅變化就係當你性興奮嘅時候,因為陰道擴張,會令子宮頸變「入咗」。不過當你冷靜返,就會恢復原狀:relieved: