就咁既～今日同男朋友去左一間自助式時鐘酒店 全程係有戴套既 不過依家擔心既係唔知張床單乾唔乾淨 可能因為第一次去 雖然見呢間酒店評價幾好 但係就唔太放心 好驚上一個去完 之後冇點清潔乾淨或者唔換床單 會交叉感染 因為我印象中記得我有幾次下面掂到張床單 男朋友都好似係 咁樣既話會唔會交叉感染例如hpv或者aids？
Hello~多謝你嘅提問
性病係由細菌、病毒或寄生蟲三種致病原所致。 而傳播性病嘅主要因素有：血液、精液、陰道分泌等體液交換；有損傷嘅皮膚、眼睛、口腔和鼻腔等黏膜交換兩大類。 即係包括：沒有使用安全套的陰道交，沒有使用安全套的肛交，共用針筒，血液輸送和母嬰感染呢啲直接方式；而沒有使用安全套的口交都有傳染性病嘅風險，雖然風險相對比較低；除此以外仲有一啲間接嘅途徑有機會傳播某啲性病（例如陰虱有可能因接觸唔衛生嘅床單／毛巾而感染；短時間内共用抹完完含有性別病菌體液嘅毛巾接觸到性器官／黏膜組織，即係間接令到有體液／黏膜組織交換）。所以如果上一個客人有以上類型嘅性病，間酒店又冇更換床單同毛巾，咁就有可能因為掂到上一個嘅分泌物而傳染到性病。
不過，有風險嘅因素唔代表一定會感染到性病，由於你唔係同有性病嘅人有直接分泌物嘅交流，所以係屬於低風險嘅傳染。
如果你真係好擔心嘅話，可以選擇去以下機構做免費嘅性病測試。
政府社會衛生科服務診所：各類型性病檢查（較全面
，能即時知結果及比藥
）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～！
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，都建議考慮三個月（三個月已經過左大部分性病嘅空窗期）後，再一次過去做一個全面嘅性病檢測，會比較準確 
咁想問通常過左幾耐開始有病徵？
感染性病之後會有一段時間嘅潛伏期，係呢段時間裏面病毒或者病菌潛伏喺體內唔會有任何病徵。而即使你已經有病徵都好，都需要過一段空窗期，等病毒嘅數量累積多啲，先至可以透過唔同嘅方法檢驗出病毒/病菌。以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
以上嘅時間都係一個平均數值，有好多人過咗呢段時間都未出現病徵，其實都係好正常嘅。除咗要睇你當時接觸到嘅病毒量，仲要睇你本身身體嘅狀況健唔健康。 
咁如果尋日掂到張被 下個星期一去驗o唔ok？會唔會唔準….
因為我哋走嗰陣 見到出面有個姐姐執緊床單/被單 而我哋收拾緊啲嘢期間佢都有敲門提我哋夠鐘 我男朋友就話走嗰陣佢見到有個細倉庫 應該係用黎洗床單/換床單 我半信半疑 因為唔知佢地平時點洗or換 男朋友就話張被就一定乾淨 因為我哋做嗰陣全程喺張被上面 冇揭開過（更正返係被單唔係床單
）但係又唔太放心….唔知點解好驚 可能唔清楚一般時鐘酒店既清潔程序係點 不過返到屋企去廁所 下體或者身體都冇任何唔舒服
兼且可能心理作用 返到屋企去廁所 下體或者身體都冇任何唔舒服 但係唔想等三個月 想快啲睇醫生check清楚 又驚唔準 好亂…
正如我上面咁講
所以如果你下個星期一驗嘅話，因為大部分空窗期都未過，所以未必可以check到。加上冇任何一間測試中心可以check 到所有類型嘅性病，所以會好亂係正常嘅。不過，唔係所有性病都冇得醫，大部份都可以通過藥物控制，有啲係可以痊愈嘅。因為如果性病得到治療嘅話，致命同發作嘅風險都係好低嘅。而當病毒或者病菌嘅數目受藥物控制，減低到冇辦法被檢測到嘅時候，咁即使你同其他人進行性行為，性病都唔會傳染俾其他人（Undetectable = Untransmittable)。所以及早發現及早治療最重要，同埋記住要定期檢測
另外，因為唔係所有時鐘酒店喺香港都受到監管，所以都唔清楚佢嘅清潔程序係點，呢個方面係會有風險嘅，所以如果下次book酒店嘅話，都係揀返有監管，同埋會進行消毒殺菌程序嘅酒店會好啲。
不過好似我之前所講，其實你感染到性病可能性係好低嘅，因為你唔係同有性病嘅人有直接嘅親密接觸，通過間接接觸而傳染性病嘅可能性係唔高嘅。你亦都可以參考下面呢張圖，去衡量個可能性：
暫時嚟講，因為你冇覺得有任何唔舒服，所以都唔需要太過擔心嘅。如果真係想測嘅話，可以等三個月之後先去驗，咁到時個結果就會有多啲嘅可信性🫶🏻
我同男朋友喺一個叫eden既自助酒店app揀 評價好多都係滿意-非常滿意 唔知你地有冇聽過呢個app啦 同埋我想問沖涼清潔下體會唔會有用？
可能因為我本身有輕微焦慮症 所以好擔心 唔好意思
因為唔清楚呢個酒店app嘅監管同埋審查制度，所以呢方面就唔comment啦！至於沖涼清潔嘅話，都會有係一定程度上減低性病嘅傳播嘅，不過就唔會有預防嘅功效。好似我上面所講：
呢類型嘅傳播途徑，就算沖咗涼，都未必可以將風險降低。不過對於細菌型嘅致病原嚟講，及時清潔係可以降低染上性病嘅機會嘅，但係其他類型就冇用。
其實只要冇分泌物嘅交流，個風險就已經降低好多，所以係唔使咁擔心嘅。年中都有好多人會book酒店或者民宿進行性行為，基本上只要唔係嫖妓/貪平去一啲好噏耷，客流量又大嘅酒店/旅館，染上性病嘅機會都係好微嘅
咁依家除左等 仲可以做啲咩
好驚自己心理上會頂唔順 男朋友又話我過分焦慮 又唔知張被有冇事 嗰陣同男朋友做完又冇沖到涼 去到半夜十二點先得閒返屋企沖涼…
的確，現階段除咗等之外真係冇咩可以做到，因為件事已經發生咗，係冇可能去逆轉嘅。加上有好多唔確定嘅地方，所以都好難去落一個判斷。所有嘢都有可能發生，但係唔係一定會發生。
雖然有啲「事後孔明」，但係你都可以上網查/打電話去問下你哋住嘅嗰間酒店有啲乜嘢清潔程序。因為新冠疫情，所以好多酒店都會被要求要用全套嘅消毒殺菌去做清潔。如果呢間酒店都係嘅話咁就可以安心啲～
同埋之後如果發生性行為嘅話，都可以袋定一包冇酒精嘅濕紙巾。可以喺做之前用嚟清潔性器官，減少除咗性病之外，其他尿道或者陰道嘅疾病。做完之後亦都可以攞嚟清潔外陰，將殘留嘅ky同埋分泌物抹走。只要個環境乾淨清爽嘅話，病毒同細菌都冇辦法生存得好耐～
咁想問愛滋病有咩症狀
例如分泌物 下體或者皮膚
HIV由感染到發病嘅過程大約可以分成3個階段：
- 急性感染期：急性感染期嘅病人會出現類似流感嘅症狀，包括發燒、喉嚨痛、疲倦、食慾不振、噁心、嘔吐、腹瀉、皮膚出疹、肌肉關節痛等症狀，目前臨床統計約5成感染者會出現顯著症狀。
- 潛伏期：急性症狀發生後，絕大多數病人喺長時間內（10年以上）都唔會出現任何症狀，但此時HIV病毒已經破壞緊人體內嘅CD4細胞（一種特殊的白血球，具有領導成個免疫系統嘅能力）。
- HIV發病期：此時即所謂嘅愛滋病病發期，免疫力會變得比正常人低，一啲正常人唔會出現嘅感染性疾病都會發生、體重會急遽減輕、會出現疲倦、夜間盜汗、發燒、腹瀉及淋巴腺腫等症狀。
不過都想俾你知，其實性病都唔係剩係得愛滋病一種，其他類型嘅性病都需要提防。愛滋病相對其他性病對日常生活嘅影響其實並唔大，之所以為人所熟悉嘅原因，係因為當愛滋病發作嘅時候，身體健康會急轉直下，所以基本上只要發作就會導致死亡。但係其實有好多人及早發現自己患有愛滋病，積極配合治療，成功控制到個病毒，去到死之前都冇發作到。所以就算感染咗性病都唔等於世界末日。加上你患上性病嘅機會率其實真係唔高，所以放鬆啲啦🫶🏻
咁係點樣預約做免費檢查？
你可以喺三個月後聯絡以下嘅機構做檢查：