會唔會有咗嫁

你好呀,我女朋友10/11嚟月經的,18/11我哋有用安全套進行性行為,之後佢一直都冇嚟月經,18/12 佢有用驗孕棒驗,結果係呈陰性。我女朋友係抑鬱症患者,長時間都要服用藥物,咁樣其實係咪會大大影響佢嘅經期? :pray:t2::pray:t2::man_bowing:t2:

hello你好啊

想問翻你女朋友上一次月經嚟嘅時候,嚟咗幾多日同埋個量係幾多,平時有無紀錄月經週期嘅習慣呢?過往嘅月經週期規唔規律?如果之前月經週期都係唔規律嘅話,都可以靠之前嘅週期推斷翻今次嘅月經嘅。

正常係性行為7日後驗孕,咁就會有初步結果,係性行為11日後驗孕,結果就會好準確!因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果 。而你地隔咗一個月驗孕,結果係好準確嘅,所以係無懷孕!

你都可以關心多啲女朋友,例如佢會唔會食少咗嘢啊?因為月經週期係受好多唔同嘅因影響嘅,例如生活作息、飲食習慣、服用藥物、情緒壓力等,如果食得太少,身體唔夠營養,都會導致無月經嘅,所以可以觀察下佢嘅飲食習慣,而你女朋友係抑鬱症患者,精神壓力比較大嘅,加上抗抑鬱藥嘅副作用有好多,每個人嘅體質唔同,有機會影響人嘅荷爾蒙水平,令到身體嘅荷爾蒙失調,導致月經遲咗,距離上一次月經都接近兩個月,可以喺下次覆診時,同醫生反應依個情況,睇吓需唔需要做個詳細啲嘅檢查,再由醫生決定駛唔駛轉藥,另外,可以揾睇開而又有曬你女朋友病歷嘅醫生,由佢決定點處理依個情況。都有可能係婦科方面嘅問題,有需要嘅話,都可以去家計會睇醫生,睇下有無需要做檢查:青少年保健 - 香港家庭計劃指導會

感謝你詳細嘅回覆 :man_bowing:t2::man_bowing:t2::pray:t2::pray:t2:

2個讚