女友不願食藥，
事前事後都唔想。
所以我地一直全程用安全套而且不會在她體內射，會在想射前拔出，然後我自己自慰解決，且盡量避開排卵期時做。
但今次拔出來後，發現套內有小量精液。
自慰完後，雖安全套仍套住陰莖最底，但都覺得脫下安全套時比之前容易及感到套內有潤滑感，之後都用安全套裝水，套沒有破洞也沒有缺口。
我係擔心會否套內有小量精液時抽插，令精液流到套外？
因為今次是在排卵期大家忍唔住做左，加上係做完後“兩日”，女友感到發燒，反胃，開始擔心是否懷孕（雖然我我知反胃及發熱身體無力等著床反應應該不會性行為兩日後就出現）。
我知好難去determine yes or no會否懷孕，但以專業知識角度出發，咁既情況懷孕機會會是多少？and ，今次我地係排卵期中間時期做，最快係咪7日就可以用d
sensitive kit 去test ??
感謝萬分！！！
Ps. 純粹舒發：男方咁樣其實已經唔多舒服，結果都係要承受會否懷孕既壓力，心有點累
Hello你好啊，好欣賞你地每次都有用安全套。
見到因為女朋友唔想食避孕藥，所以就算想射精，都要自慰解決，變咗你未必能夠喺性行為中感到歡愉，甚至可能會唔舒服， 喺發生性行為中，雙方嘅意見都好重要嘅，可以同女朋友傾下，俾佢知道雖然咁做能夠減低懷孕風險，但你並唔舒服，同時可以了解翻女朋友唔想食藥嘅原因，係因為怕副作用？其實事前避孕藥都有好多好處，例如調經等，如果想懷孕嘅話，只停藥就可以，因為唔會喺身體入面累積，所以唔會造成永久嘅影響嘅。
見到你哋有喺完事後進行灌水測試，安全套係無穿到嘅，所以懷孕風險係唔高嘅。如果安全套嘅尺寸唔啱，都有可能會漏嘅，可以參考下依個post，介紹咗點樣量度尺寸： https://www.instagram.com/p/CNmt0RpDzpy/?igshid=YmMyMTA2M2Y%3D 點解你今次會覺得特別有潤滑感呢？因為你平時無喺體內射，而今次射咗少少，所以就覺得有潤滑感喇，亦有可能係因為今次感受較大，多咗分泌物，唔一定係有精液漏咗岀嚟嘅。至於會唔會係抽插時流岀嚟，可能性好低嘅，安全套係有儲精囊，令精液無咁容易流岀嚟，加上安全套係有彈性，戴上之後會感覺到佢包住你嘅陰莖，套嘅底部亦有個好粗嘅環，除非係好粗暴咁抽插，否則都唔會流岀嚟嘅，不過戴嘅時候記住要將儲精囊嘅空氣擠出嚟，否則就可能會移位或者穿咗，如果完美使用安全套，避孕率係高達92%嘅，可以參考依個ig post，分享咗點樣正確使用同常見錯誤：https://www.instagram.com/p/B4EX0FVFLUf/?igshid=YmMyMTA2M2Y%3D
另外，排卵期方面，其實排卵期係好難計嘅，雖然計咗盡量唔係排卵期時發生性行為，但因為佢好難準確地計到，所以係唔可靠嘅，未必一定係懷孕嘅，同埋好似你講咁，就算懷孕，都唔會性行為兩日後就有懷孕嘅反應。如果女朋友係懷孕嘅話，可能會個肚有啲痛啊，食量大咗等，而依啲反應至少都要懷孕兩星期先開始岀現嘅，如果有發燒同反胃，可能係covid或者腸胃炎，要小心身體啊。
唔放心嘅話，可以係性行為7日後驗孕，咁就會有初步結果，係性行為11日後驗孕，結果就會好準確！因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果 。
除咗唔發生性行為或者結紮外，無一種安全措施可以100%避孕嘅，就算幾小心都好，都係會有懷孕嘅風險，所以可以放鬆啲。明白你好愛女朋友，好保護佢，但雙方嘅溝通係好重要嘅，講清楚自己嘅感受，都可以再了解多啲唔同嘅安全措施，揾到一個大家都滿意嘅方法，如果唔係，依個擔憂嘅情緒都會影響到關係嘅。